LAJMI I FUNDIT:

Qytetarët e Vushtrrisë kërkojnë anulimin e vendimit për Kalanë e qytetit

Qytetarët e Vushtrrisë kërkojnë anulimin e vendimit për Kalanë e qytetit

Kalaja e qytetit të Vushtrrisë përmes një vendimi të Institutit për Mbrojtjen e Trashëgimisë Kulturore me datën 07.07.2017 është dhënë në shfrytëzim për pesë vite me qëllim që të shfrytëzohet si restorant.

Ky vendim përmes mediave është konfirmuar si nga Komuna e Vushtrrisë ashtu edhe nga drejtori i Institutit të Kosovës për Mbrojtje të Monumenteve apo IKMM-së, Agim Gërguri.

Ky vendim është bërë me arsyetimin se kalaja është dhënë me qëllim që të funksionalizohet dhe të mbrohet nga dëmtimet.

Megjithatë përfaqësuesit e grupit qytetarë thonë kanë reaguar ndaj këtij vendimi, duke kërkuar anulimin e tij.

“Ne si qytetarë të Vushtrrisë, jemi të shqetësuar për këtë vendim pasi që përmes tij qytetarëve po u privohet shfrytëzimi i njërës nga hapësirat kryesore kulturore. Gjithashtu, ne jemi dëshmitarë se praktika të tilla të shfrytëzimit të objekteve të trashëgimisë kulturore nga bizneset private kanë rezultuar në dëmtimin e tyre dhe për këtë nuk është dhënë asnjë përgjegjësi. Një shembull i tillë është Ura e Vjetër e Gurit në qytetin tonë që për momentin shfrytëzohet si oborr restoranti. Gjatë këtij viti anësoret e kësaj ure janë rrezuar në mungesë të mirëmbajtjes adekuate nga pronarët”, thuhet në kërkesën e grupit të iniciativës ‘Qytetarët në mbrojte të Kalasë’.

Në një letër të hapur drejtuar institucioneve si dhe ambasadorit amerikan në Kosovë, Greg Delawie, që të revokohet vendimi i Institutit për Mbrojtjen e Trashëgimisë Kulturore në mënyrë që kalaja të jetë e hapur për zhvillimin e aktiviteteve kulturore nën administrimin e Drejtorisë për Kulturë Rini dhe Sport ashtu siç ka qenë para vendimit të këtij instituti.

Përfaqësuesit e qytetarëve të Vushtrrisë kanë thënë se në rast se ky vendim nuk anulohet, do të organizohen edhe protesta.

Përfaqësuesit e qytetarëve të Vushtrrisë të cilët kanë nënshkruar kërkesën janë:

Leonora Aliu – Gazetare

Gazmend Gjyshinca – Aktivist

Jeton Sallahu – Historian

Burim Rexhepi – Historian

Mentor Merovci – Aktivist

Shukrane Begu – Etnologe dhe Folkloriste

Besmir Ahmeti – Aktivist

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori