Profil i Goldie Hawn: Aktorja që nuk trembet nga mosha (Video)

Mosha është thjesht një numër dhe këtë e vërteton edhe Goldie Hawn. Gjyshe e pesë nipërve dhe mbesave thotë që plakja ka të bëjë vetëm me perspektivën personale.

Ajo ka qenë një ndër aktorët më të njohura, sidomos për pjesëmarrjen në filmin ‘The banger Sisters’. Madje ka fituar edhe çmim Oscar.

Goldie ka lindur më 21 nëntor të vitit 1945 në Uashington. Ajo është një aktore amerikane, regjisore, producente dhe në raste të rralla edhe këngëtare. Ajo është nëna e aktorëve, Oliver Hudson, Kate Hudson dhe Wyatt Rusell.

Në moshën 3 vjeçare, Goldie filloi të merrej me balet. Për shumë vite u morr me këtë pasion derisa u rrëzua dhe e larguan nga akademia e vallëzimit.

Karriera e saj kinematografike filloi me një serial televiziv Good Morning World, në vitin 1967. Më vonë, pjesëmarrja e saj filloi të njihej ndërkombëtarisht veçanërisht për bukurinë që posedonte dhe që ishte gjithmonë një person pozitiv, transmeton RTV Dukagjini.

Bashkëshorti i saj i parë ishte valltar më pastaj producent, Gus Trikonis. I dyti ishte Bill Hudson, me të cilin ka fëmijët Oliverin dhe Kate Hudson. Por, edhe pse thonë që dashuria nuk zgjatë nga aktorët hollivudian, në këtë rast, është më ndryshe.

Në profilin e përgatitur nga RTV Dukagjini mund të kuptoni se si aktorja vazhdon të jetë e dashuruar me kolegun e saj Kurt Rusell. Në komedinë romantike të Gary Marshall, çifti simpatik Kurt Russell, i cili luante rolin e marangozit dhe Goldie Hawn në rolin e Joanna Stayton lidhen së bashku pasi kjo e fundit humb kujtesën dhe Kurt përfiton nga rasti.

Edhe pse lidhja e tyre vazhdon pas ekranit, ata nuk u martuan, por qëndruan të lidhur për 32 vite. Ata qenë shumë të dashuruar dhe energjia e tyre ishte gjithmonë e pranishme tek të tjerët. Ata kanë djalin Wyatt Rusell.