0Shares

Pasi kanë bërë disa vjedhje të njëpasnjëshme nëpër shitore të Suharekës, tre romë të cilët kanë vepruar në grup, janë kapur nga Policia e Kosovës, njërin prej të cilëve e ka zënë në flagrancë.

“Hetues policorë nga stacioni policor në Suharekë pas një pune intensive kanë arritur që në flagrancë të identifikojnë dhe të arrestojnë të dyshuarin A.K të datëlindjes 1986, romë i Kosovës në dyshimin e bazuar se i njëjti në bashkëveprim edhe me dy të dyshimtit tjerë, në mini marketin ‘Beni’ në lagjen fidanishte, në Suharekë kanë vjedhur 8 pako cigare të llojit “Marlboro” dhe kanë ikur në drejtim të panjohur. Ndërsa dy të dyshuarit N.K i datëlindjes 1990 dhe A.K i datëlindjes 1996, gjithashtu romë janë arrestuar në Fushë Kosovë”, thuhet në një komunikatë të policisë së Kosovës.

Personat e dyshimtë kanë vepruar në grup dhe kanë kryer edhe disa vjedhje në disa shitore të tjera në Suharekë.

Me urdhër të prokurorit, të dyshimtit janë ndaluar në Qendrën e ndalimit në Suharekë. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)