LAJMI I FUNDIT:

Pranga shqiptares, e quajtur “zonja e bardhë e kokainës”

Pranga shqiptares, e quajtur “zonja e bardhë e kokainës”

Policia italiane ka vënë në pranga 43 vjeçaren shqiptare Ana Roko, e cila është arrestuar ditën e shtunë duke i dhënë fund kërkimit të saj prej afro tre vitesh.

Roko e njohur si “zonja e bardhë e kokainës”, ishte arrestuar në verën e vitit 2010, por ajo u lirua më pas nga dhomat e paraburgimit. Pak kohë më vonë, gjykata italiane lëshoi një urdhër të dytë arresti, sipas të cilit, 43-vjeçarja duhej të qëndronte në qeli edhe tre vjet e 9 muaj.

Por, pas këtij urdhër arresti, Roko u shpall në kërkim, derisa u arrestua pak ditë më parë nga forcat e policisë italiane, në sajë të operacionit të koduar “Gullit”, raporton BalkanWeb.

“Dama e bardhë e kokainës”, duke e ditur se ishte në kërkim, herë pas here ndërronte banimin e saj, duke mos qëndruar shumë kohë në të njëjtën banesë.

Roko njihej si e përfshirë në një rrjet ndërkombëtar të shpërndarjes së lëndëve narkotike, konkretisht kokainës. Verën e vitit 2010, 43-vjeçarja u arrestua së bashku me 8 persona të tjerë për akuzën e trafikut ndërkombëtar, ndërkohë që gjatë zbatimit të urdhrit, u sekuestrua edhe pasuria e trafikantëve, që kapte vlerën e 2 milionë eurove.

Ana Roko, në momentin e arrestimit ka tentuar ta hedhë kokainën nga dritarja. Rrjeti i trafikimit, ku ishte e përfshirë Roko, e blinte kokainën në Belgjikë, për ta trafikuar më pas në Spanjë, Shqipëri dhe Itali.

43-vjeçarja tashmë duhet të paguajë edhe shumën prej 26 mijë eurosh, përveç viteve të burgut që duhet të kryejë. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori