0Shares

Pokemon Go ka qenë një hit masiv gjatë vitit të kaluar dhe poashtu ka sjellur shumë profit, bën të ditur App Annie.

Sipas kompanisë, loja ka gjeneruar profit prej 950 milionë dollarë në 2016. Edhepse loja është pa pagesë, lojëtarët kanë blerë shumë mjetë për të lehtësuar nxënien e Pokemon-ëve dhe që të arrijnë nivele më të larta.

Loja e zhvilluar nga Niantic kishte qenë e para për të arritur shumën 600 milionë dhe tani ka arritur në 800 milionë dollarë. Për këtë arritje, lojës iu deshën vetëm 110 ditë, gjë që e bën atë dy herë më të shpejtë se Candy Crush Saga.

Për më tepër, loja nuk ka qenë e mundshme të shkarkohet në shumë vende të botës, edhepse më pas, Niantic e ka zgjeruar tregun në më shumë shtete, pas disa muajve të lansimit.

Pokemon Go arriti 500 milionë shkarkime në më pak se dy muaj pas lansimit në korrik të 2016. Që nga atëherë, lojëtarët kanë ecur në një total prej 8.7 miliardë kilometra.

Që nga atëherë, loja ka filluar të ketë rënie në popullaritet.

Të Ngjajshme
Shfaq Komentet (0)