LAJMI I FUNDIT:

Po i vjen fundi futbollit që njohim: FIFA heq pozitën jashtë loje, kartonin e verdhë dhe sjell tetë ndryshime drastike (Foto)

Po i vjen fundi futbollit që njohim: FIFA heq pozitën jashtë loje, kartonin e verdhë dhe sjell tetë ndryshime drastike (Foto)

Marco van Basten ka folur për gazetën e mirënjohur gjermane sportive të Bildit.

Legjenda holandeze, i cili është në krye të zhvillimit teknologjik të futbollit në FIFA-s, njoftoi ndryshime të mëdha.

FIFA ka zgjeruar tashmë kampionatin botëror prej 32 deri në 48 ekipe ndërsa ka propozuar edhe tetë ndryshime të reja të mundshme.

Një prej më të mëdhave është heqja e pozitës jashtë loje dhe penalltitë të gjykohen dhe ekzekutohen si në hokej. /Telegrafi/

Tetë propozime për rregullat e reja në futboll, sipas FIFA-s:

1. Heqja e pozitës jashtë-loje

“Kam shumë kureshtje të shoh se si do të funksiononte futbolli tani pa pozicionin jashtë loje. Mendoj se do të ketë shumë njerëz kundër kësaj ideje, por unë jam pro, pasi tashmë futbolli ka filluar të ngjajë gjithnjë e më shumë me hendbollin”.

2. Penalltitë si në hokej

“Çdo ekip do të ketë 5 tentativa. Gjyqtari vërshëllen dhe lojtari niset nga 25 metra larg drejt portës. Brenda 8 sekondave duhet të mbarojë aksioni. Kjo është spektakolare për tifozët dhe interesante për lojtarët. Te penalltitë gjithçka ndodh brenda një sekonde. Kurse kështu ke shumë mundësi: të gjuash, të driblosh apo të presësh veprimin e portierit”.

3. Heqja e kartonit të verdhë

“Ideja është që të zëvendësojmë kartonin e verdhë me një penalizim për të qëndruar jashtë fushe për 5 apo 10 minuta. Është më e vështirë kur luan 10 kundër 11”.

4. Me gjyqtarin kryesor mund të flas vetëm kapiteni

“Ka shumë ankesa rrotull gjyqtarëve, të cilat shkaktojnë humbje kohe. Ndaj është një ide e mirë që si në regbi, vetëm një lojtar, kapiteni, të flasë me gjyqtarin”.

5. Kufizimin e ndërhyrjeve të palejuar

“Unë jam i mendimit që një mbrojtës, ashtu si në basketboll, të largohet nga fusha e lojës pasi të ketë kryer 5 faulle”.

6. Uljen e numrit të ndeshjeve

“Bëjmë maksimumin për të gjeneruar sa më shumë para nga futbolli. Por në këtë sport nuk mungojnë paratë, duhet të fokusohemi te cilësia dhe duhet të reduktojmë numrin e ndeshjeve që luan një lojtar. Nga 80 që mund të arrijë aktualisht, të bëhet maksimumi 50 ndeshje në sezon. Duhet të ndihmojmë yjet si Ronaldo, Mesi apo Ibrahimoviç që të jenë të freskët e fizikisht më mirë, falë aktivizimit në më pak ndeshje”.

7. Rritja e numrit të zëvendësimeve në ndeshje

“Si trajner kjo është diçka e mirë, por me 12 zëvendësime do të humbej shumë kohë. Ndaj po mendojmë për një apo dy zëvendësime ekstra në shtesa, që mendoj se janë të mira. Por loja dhe rrjedha e saj nuk duhet të vuajë nga një faktor i tillë”.

8. Limitimi i humbjes së kohës

“Tifozët duan të shohin aksion, gola dhe dyluftime. Por sa më shumë zgjatet një zëvendësim, një goditje dënimi, apo trajtimi i një lojtari të dëmtuar, aq më shumë kohë humbet. Ndaj po diskutojmë mos kthejmë 10 minutat e fundit në periudhë ku merret në konsideratë vetëm koha efektive e topit në lojë. Ka skuadra që në minutat e fundit bëjnë gjithçka për të vonuar lojën”.

Në trend Sport

Më shumë
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Premier League
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Barcelona mund të marrë një shifër të konsiderueshme nga Man Utd këtë verë

Barcelona mund të marrë një shifër të konsiderueshme nga Man Utd këtë verë

Ndërkombëtare
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Kalo në kategori