Po përfundojnë punimet ndërtimore në rrugën rajonale Dellçevë-Berovë

Deri në fund të majit duhet të përfundojnë punimet ndërtimore në rrugën rajonale Dellçevë – Berovë tek fshati Grad i Dellçevës, ku po punohet në përmirësimin e rrëshqitjeve të dheut të cilat me vite ishin pikë e zezë në këtë aks të rrugës, përcjell Telegrafi Maqedoni.

Sipas informatave nga personat përgjegjës nga realizuesi SHN “Granit”, me intervenimin po bëhet stabilizim i bazamentit ekzistuese të rrugës në thellësi prej dy metrash, po përpunohet drenazh i ri me gjatësi prej 230 metrash krahas bazamentit të majtë të rrugës me ç’rast ujërat nëntokësore barten deri në lëshim të ri të gypi të betonit, hedhje e gurit të thërrmuar me ç’rast do të pasojë asfaltim.

Gjithashtu, me përpunim të kanalit të hapur të betonit mbi drenazhin, në anën e majtë të rrugës do të futen edhe ujërat sipërfaqësore, ndërsa nëpër gjithë gjatësinë prej 230 metrash nga të dyja anët do të montohet gardh elastik njëngjyrësh për mbrojtje të kanalit dhe siguri më të madhe në komunikacion. Projekti është në vlerë prej 17 milionë denarësh, mjete të siguruara përmes Bankës Botërore, ndërsa investitor është NP për rrugë shtetërore./Telegrafi/