Policia jep detaje për plagosjen në Prishtinë

E plotësuar– Zëdhënësja e Policisë për rajonin e Prishtinës, Flora Ahmeti ka konfirmuar plagosjen që u bë sot në Qendër të Prishtinës.

Ahmeti për KosovaPress ka theksuar se në ora 17:44 kanë marrë informacion për të shtëna me armë në rrugën ‘Eqrem Çabej’në Prishtinë.

“Në ora 17:44 kemi pranuar një informatë për të shtëna me armë zjarri në rrugën Eqrem Çabej në Prishtinë ku është plagosur një person i cili është dërguar në QKUK, për tretman mjekësor, bëhet për fjalë për një mashkull  me inicialet T.J (1992). Ekipet policore janë duke punuar në drejtim të indentifkimin dhe arrestimit të personave të dyshuar”, ka thënë Ahmeti.

—————————–

Plagosen dy persona në qendër të Prishtinës

Dy persona kanë mbetur të plagosur para pak minutash në qendër të Prishtinës.

Ngjarja ka ndodhur në afërsi të Institutit Albanologjik të Kosovës, merr vesh Telegrafi.

Policia ka dalë menjëherë në vendin e ngjarjes, ndërkaq ende nuk dihen detajet tjera rreth këtij rasti.

Telegrafi ka provuar të kontaktojë me zyrtarët policorë po kontakti ka qenë i pa mundur. Telegrafi do të ju mbajë të informuar./Telegrafi/