LAJMI I FUNDIT:

Personave me aftësi të kufizuara u mohohet e drejta për punësim

Personave me aftësi të kufizuara u mohohet e drejta për punësim

Çdo punëdhënës është i obliguar të punësojë një person me aftësi të kufizuara në çdo pesëdhjetë punëtorë. Kështu precizohet në Ligjin për Aftësimin, riaftësimin profesional dhe punësimin e personave me aftësi të kufizuara. Përkundër kësaj, është i pakët numri i personave me aftësi të kufizuara që kanë një vend pune.

Shukrije Mulaku e cila ka përfunduar studimet për drejtësi, thotë se edhe përkundër angazhimit të saj, ajo asnjëherë nuk arriti të punësohet në profesionin e saj, raporton Radio Kosova.

“Ka mbi shtatë vite që kam përfunduar Fakultetin Juridik. Dhe, shumë herë u jam drejtuar institucioneve tona. Kam aplikuar shumë e shumë herë, por asnjëherë nuk e kam gjetur veten ne listat e tyre”, thotë Mulaku.

Ajo shprehet se aftësia e kufizuar nuk e pengoi atë që të studiojë, madje e ka motivuar edhe më shumë për punë.

“Shumë padrejtësi u bëhen personave me aftësi të kufizuara, duke filluar që nga familja e deri te shoqëria e gjerë. Ky fakt më shtyri që të studioj për drejtësi, duke menduar që mund të kontribuoj. Por, ajo që ndodhi më zhgënjeu. Unë u bëra një juriste e diplomuar, por nuk e gjeta veten askund”, shton Mulaku.

Se nuk po zbatohet Ligji që parasheh punësimin e personave me aftësi të kufizuara e thotë edhe Rinor Gashi nga Shoqata ‘’Handikos’’. Ai shprehet se përkundër reagimeve në forma institucionale gjendja aspak nuk po përmirësohet, sidomos në sektorin publik.

“Nuk e kemi numrin saktë se sa persona me aftësi të kufizuara punojnë. Por, e dimë që personat me aftësi të kufizuara në Kosovë janë të punësuar jashtëzakonisht pak në sektorin publik. Kjo jep një shembull jo të mirë, pasi që vetë institucionet duhet të jenë shembull për punësimin e personave me aftësi të kufizuara, në mënyrë që të motivohet edhe sektori privat”, ka thënë Gashi.

Në Kosovë llogaritet që janë rreth 200 mijë qytetarë që janë me aftësi kufizuara. Numri i të punësuarve është shumë i vogël, edhe pse ka nga ata që janë të përgatitur profesionalisht për punë, raporton Radio Kosova. /RTK/

Në trend Lajme

Më shumë
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK

Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK

Drejtësi
Avokati Kërveshi dhe kompania

Avokati Kërveshi dhe kompania "Kërveshi & Partners" shpallen më të suksesshmit në Kosovë për vitin 2023-2024 nga “The Legal500”

Lajme
Gjenden të shtrirë në rrugë pa shenja jete dy persona në Prishtinë – policia nis hetimet

Gjenden të shtrirë në rrugë pa shenja jete dy persona në Prishtinë – policia nis hetimet

Kronika e Zezë
Bajrami, Kurtit: A po të kujtohet që i premtojshe do fabrika të keçapit nëpër oda – mjaftë me manipulime

Bajrami, Kurtit: A po të kujtohet që i premtojshe do fabrika të keçapit nëpër oda – mjaftë me manipulime

Lajme
Kalo në kategori