LAJMI I FUNDIT:

Përkrahje trashëgimisë kulturore në Kosovë

Përkrahje trashëgimisë kulturore në Kosovë

Pritet që këtë vit të nis restaurimi i bibliotekës në Tyrben e Suzi Çelebiut në Prizren, e cila është ndërtuar në vitin 1513 dhe konsiderohet një prej bibliotekave më të vjetra në Ballkan. Ky pritet të jetë një prej investimeve të Agjencisë Turke për Bashkëpunim dhe Koordinim (TIKA), e cila përkrah ruajtjen dhe promovimin e trashëgiminë kulturore në Kosovë.

Koordinatori për Kosovë i TIKA-s, Adem Urfa ka thënë se restaurimi i kësaj biblioteke dhe i objekteve të tjera të trashëgimisë kulturore e historike do t’i ndihmojë Kosovës për ta promovuar identitetin e saj kulturor.

“Por, fatkeqësisht tash për tash biblioteka e Suzi Çelebiut është uzurpuar dhe është duke u përdorur nga persona privatë. Pas zgjidhjes së këtij problemi, objekti do të jetë një prej fakteve dhe pasurive më të mëdha historike të Kosovës”, ka thënë Urfa, gjatë një bisede për Telegrafin.

Gjithashtu, parashikohet që gjatë këtij viti të bëhet rregullimi i kompleksit të xhamisë në fshatin Shushicë të Istogut, i cili ishte rrënuar nga forcat serbe gjatë luftës së fundit. Ky vend është cilësuar i rëndësishëm, sepse është vendlindja e babait të poetit kombëtar Mehmet Akif. “Akif është vlerë e përbashkët edhe e Kosovës edhe e Turqisë, prandaj është e rëndësishme edhe për marrëdhëniet ndërmjet dy shteteve”, ka thënë Urfa.

Këtë vit synimi kryesor i TIKA-s është sektori i trashëgimisë kulturore. Pritet që të realizohen tetë projekte, ku përfshihet restaurimi i kompleksit të Xhamisë së Madhe në Prishtinë, hapësira e xhamisë së Sinan Pashës dhe xhamia e Emin Pashës në Prizren, xhamia e Terzi Mëhallës në Prizren, tyrbja në Gazimestan, Namazxhahu dhe varrezat osmane në Prizren.

Gjithashtu do të meremetohet ndërtesa e muzeut në tyrben e Sulltan Muratit në Mazgit, e për tre vjetët e ardhshme do të menaxhohet nga TIKA.

Deri tash janë realizuar më shumë se 50 projekte në fushën e arsimit dhe janë ndërtuat shkolla të reja dhe anekse të shkollave.
“Kosova politikisht është shtet i ri, ama ka një histori shumë të lashtë kulturore, pjesë e trashëgimisë botërore. Të gjitha këto objekte janë fakte për këto. Po t’ia hiqni Kosovës këto objekte, do të mbetej e zhveshur”, ka thënë Urfa.

Prej vitit 2004, kur është hapur përfaqësia e TIKA-s në Kosovës janë realizuar shatë projekte të restaurimit të objekteve kulturore-historike, me vlerë në më shumë se dy milion euro. Të gjitha projektet janë organizuar bashkërisht me Ministrinë e Kulturës së Kosovës, Bashkësinë Islame të Kosovës dhe institucione të tjera të Kosovës. (A. Fazliu) /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori