0Shares

Qeveria ruse informoi të mërkurën (sot) për ndërprerjen e një marrëveshje me SHBA-në, për luftën ndaj krimit të organizuar dhe trafikut ndërkombëtar të drogës, shenjë e qartë e marrëdhënieve në përkeqësim.

Sipas kryeministrit Dmitry Medvedev, marrëveshja e firmosur një dekadë më parë nuk adresonte një zgjidhje për problemet aktuale dhe kishte “konsumuar potencialin e saj”.

Marrëveshja përqendrohej në financimin nga ana e Uashingtonit, të disa projekteve të luftës kundër krimit nga Moska zyrtare, transmeton TCH.

Në muajin dhjetor, Rusia i ndaloi shtetasve amerikane që të birësonin fëmijë nga jetimoret e vendit, duke cituar arsyet e sigurisë, në një tjetër vendim kontradiktor, që dëmtoi marrëdhëniet dypalëshe.

Ndërkohë, dy organizata joqeveritare amerikane lajmëruan për tërheqjen e stafit jorus dhe mbylljen e çdo kontakti në vend, pas kërcënimeve për arrestimin e punonjësve.

Instituti Demokratik Kombëtar dhe Instituti Ndërkombëtar Republikan, dy OJQ që promovonin secila demokracinë, mbyllën zyrtat e tyre në Moskë më parë gjatë 2012-s, pas një ligji që i jepte të drejtë shtetit të përzinte çdo organizatë të huaj, që vlerësohej se “ndërhynte në punët e brendshme” të Rusisë.

Më parë gjatë janarit, Moska zyrtare, në një raport mbi situatën në SHBA, shprehte “shqetësimin e saj të thellë” për gjendjen e keqe të burgjeve në vend dhe kritikonte “standardin e ulët demokratik” dhe “parregullsitë” e vërejtura në zgjedhjet presidenciale të tetorit. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)