LAJMI I FUNDIT:

Për Thaçin, Kosova ka ndryshuar pozitivisht

Për Thaçin, Kosova ka ndryshuar pozitivisht

Kryeministri i vendit, Hashim Thaçi ka thënë të premten se Kosova gjatë vitit 2012 ka ndryshuar pozitivisht nga vitet e kaluara. Ai këto komente i bëri në mbledhjen e fundit të kabinetit qeveritar, ku ka folur për zhvillimet dhe proceset që ka kaluar Kosova gjatë këtij viti.

Një të arritur e ka përmendur edhe zbatimin e marrëveshjes së IBM-it, që sipas tij ky është një instalim i realitetit të kufijve ndërshtetërore Kosovë-Serbi.

“Dialogu mes Serbisë dhe Kosovës ka filluar të prodhojë efektet e para konkrete, si në sundimin e ligjit, ashtu edhe në lëvizjen e Serbisë drejt njohjes së Kosovës. Fillimi i zbatimit të IBM-së ka qenë rezultati konkret. Më 31 dhjetor do të fillojë puna edhe në Bërnjak dhe tek Dheu i Bardhë. Ky është një instalim i realitetit të kufijve ndërshtetërore Kosovë-Serbi”, ka thënë ai.

Në mbledhjen e mbajtur të premten ai ka thënë se viti 2012 ka qenë vit i ndryshimeve të Kosovës dhe fuqizimit të saj si shtet, transmeton “KosovaPress”.

“Republika e Kosovës në fund të vitit 2012 duket shumë më ndryshe, shumë më pozitive nga vitet e ardhshme. Në kuadër të konsolidimit të shtetit, si në aspektin e brendshëm ashtu edhe të jashtëm. Subjektiviteti është forcuar shumë. Ne sapo festuam pavarësinë e Shqipërisë, dhe mendoj se ka qenë festa ku shqiptarët kanë participuar me krenari”, ka thënë kryeministri.

Më tej ai ka shtuar se në prag të pesëvjetorit të pavarësisë, Kosova ka shënuar sukses, duke u njohur nga gjysma e shteteve anëtare të OKB-së.

Për këtë ai ka falënderuar zëvendëskryeministrin, Behgjet Pacolli dhe ministrin e Punëve të Jashtme, Enver Hoxhaj për lobimin e tyre. Thaçi kulmin e arritjeve në aspektin e njohjeve e ka vlerësuar njohjen që ka ardhur nga shteti i Pakistanit.

Thaçi ka thënë se Kosova ka ndërtuar raporte të shkëlqyeshme me të gjitha vendet e rajonit, por sipas tij vizioni i Kosovës ka qenë që të krijoj raporte të nivelit të barabartë edhe me shtetin e Serbisë.

I pari i ekzekutivit të vendit duke folur për zhvillimin ekonomik, ka thënë se Kosova gjatë vitit 2012 ka shënuar rritje ekonomike prej rreth 4 për qind. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Elfije Boletini
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Lajme
Kalo në kategori