0Shares

Carly Fraser nga Kanadaja kishte vendosur të heq dorë nga mishi, dhe ta mbajë shpirtin gjallë me ushqim vegjetarian. Edhe pse e vetëdijshme që një vendim i tillë do të ndikojë drejtpërdrejt në trupin e saj, ajo as që kishte ëndërruar që një gjë e tillë do t’i ndodhë.

Pas plot gjashtë viteve që i kaloi si vegjetariane, Carly dhe të gjithë përreth saj kishin vërejtur diçka të çuditshme në fytyrën e saj. Sytë e saj kishin marrë një ngjyrë krejtësisht tjetër, transmeton Telegrafi.

“Para se të bëhesha vegjetariane, ngjyra e syve të mi ishte e gjelbër e mbyllët. Por tani janë të kaltër. Ky fakt më habiti shumë, dhe kështu vendosa të hulumtoj se për çfarë bëhej fjalë”, ka shkruar Carly në Instagram.

Siç thotë ajo, sytë nuk janë vetëm pasqyra e shpirtit por edhe trupit të shëndoshë. Ngjyra e syve tregon se sa të pastër e kemi shpirtin. Gjatë hulumtimit të saj, Carly kishte hasur në mjekun Roberts Mors, specialist i kësaj fushe i cili përmes ngjyrë së syve dhe linjave të tyre përcakton gjendjen shëndetësore të pacientëve.

“Ngjyra e verdhë rreth syve tregon se sa shumë e keni trupin e mbushur me toksina”, ka shtuar Carly duke u bazuar nga përvoja e saj.

Por, kur vendosi ta ndërroi mënyrën e të ushqyerit, trupi i saj filloi të mbushet kurse sytë morën ngjyrë tjetër. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)