0Shares

Peja e ka humbur me rezultat të ngushtë ndeshjen e mbetur të xhiros së shtatë të Superligës në basketboll. Ekipi pejan të shtunën mbrëma në Prizren u mposht nga Bashkimi me rezultatin 78:77. Por Peja prapë pretendon të marrë dy pikët e fituesit nga kjo sfidë.

Te Peja vlerësojnë se basketbollisti Gazmend Sinani nuk ka pasur të drejtë loje për Bashkimin dhe pasi ai ka luajtur kërkojnë që ndeshjen ta fitojnë me rezultat zyrtar, shkruan sot “Koha Ditore”. Sinani ka luajtur dhe ishte prej më të dalluarve. Ndeshjen e mbylli me 11 pikë e 12 kërcime.

Pasi ndeshja ishte e mbetur, e xhiros së shtatë, Bashkimi e Peja ishte dashur të paraqiteshin me lojtarët që i kishin pasur të regjistruar në kohën kur ishte shtë luajtur xhiroja e shtatë, pra me 12 e 13 nëntor.

Kjo bëri që skuadrat të paraqiten thuajse të përgjysmuara, pasi ndërkohë kanë bërë shumë ndërrime në përbërje. Por Komesari i Garave të Federatës së Basketbollit të Kosovës, Faton Kurshumlija, para ndeshjes kur ka bërë të ditur se kush mund të luajë, ka vlerësuar se edhe Sinani e ka të drejtën e lojës. Te Peja nuk pajtohen me këtë. Thonë se Sinani në atë kohë ishte duke luajtur në Turqi.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)