Partia Demokratike e Kosovës, dega në Prishtinë, ka ngritur shqetësime për mbushjen e Komunës së Prishtinës me militantë të Lëvizjes Vetëvendosje, që si të punësuar nuk janë as qytetarë të Prishtinës, por vetëm pjesë e bandës mollotov të kryebanditit Dardan Molliqaj, për të cilët janë harxhuar rreth 3 milionë euro para të taksapaguesve.
Sekretari i degës së PDK-së në Prishtinë, Bujar Cakolli, ka thënë se sipas raportit të Auditorit Gjeneral, Lëvizja Vetëvendosje, nëpërmjet kryebanditit Molliqaj për dy vjet ka punësuar kundërligjshëm 486 njerëz me kontrata të veçanta, duke i shkelur të gjitha ligjet dhe procedurat, ku për shumicën e tyre shërbim i veçantë ka qenë hedhja e mollotovit, gurëve dhe shkatërrimi i pronës publike e private në Prishtinë.
“Pagat e këtyre mercenarëve politikë i kanë kushtuar rreth tre milionë euro qytetarëve të Prishtinës në vitet 2015-2016”, ka thënë Cakolli, njofton PDK.
Ai ka thënë se këto fakte rëndohen edhe më shumë kur kemi parasysh se rreth 300 prej personave të punësuar në këto dy vjet, sipas informacioneve brenda Komunës së Prishtinës dhe nga qytetarët e shumtë të Prishtinës, janë militantë të Vetëvendosjes nga komunat e tjera të Kosovës.
“Shumica dërrmuese e këtyre të punësuarve janë pjesëtarë të sekretariatit të brendshëm të kryebanditit mollotovian Dardan Molliqaj dhe jo aktivistë të rëndomtë të kësaj partie. Pra, këta persona janë bandë e tij dhe jo aktivistë të zakonshëm politikë”, ka thënë Cakolli.
Si pjesë e bandës së Dardan Molliqajt, duke marrë paga nga taksat e prishtinasve, të cilat do duhej të orientoheshin drejt përmirësimit të mirëqenies së qytetarëve tanë, Cakolli ka thënë se këta persona të dyshimtë edhe për veprime të tjera delikuente përdoren si mercenarë politikë prej tij për çdo gjë që ai ju thotë të bëjnë në rolin e shefit të bandës.
“Edhe për të djegur vetura zyrtare, edhe për t’i sulmuar zyrtarët e shtetit, edhe për të hedhur gurë dhe mollotov mbi policinë e vendit. Pra, për gjithçka të keqe. Madje, produkt i tyre janë edhe banda e zollës, e cila është në proces gjyqësor për sulmin mbi Kuvendin e Kosovës”, ka thënë Cakolli.
Sipas tij, këta i shërbejnë Vetëvendosjes në forma të ndryshme, por edhe kërcënojnë, shantazhojnë, linçojnë nëpër rrjete sociale dhe demolojnë, si dhe i përcjellin personat dhe grupet me direktiva të Dardan Molliqajt.
Sekretari i PDK-së në Prishtinë ka prezantuar edhe një përmbledhje të fotografive të disa prej të punësuarve në Komunën e Prishtinës, ku dëshmohej se ata janë militantë të Vetëvendosjes nga komunat e tjera të Kosovës.
“Pra, përfundimisht, sot Komuna e Prishtinës qeveriset më së paku prej prishtinasve. Në Komunën e Prishtinës, siç e patë edhe nga materiali i prezantuar, më së paku punësohen qytetarë të Prishtinës”, ka thënë ai.
Cakolli ka theksuar se taksat e prishtinasve në vend që të shkonin për ndërtimin e çerdheve, ambulancave, anekseve shkollore apo terreneve sportive për të rinjtë, po shfrytëzohen në masë të madhe për financimin e një organizimi kriminal të kryebanditit të bandës mollotov, Dardan Molliqajt.
Kurse, asamblistja e PDK-së në Komunën e Prishtinës, Laura Zherka, ka thënë se me këtë paligjshmëri perfide ata kanë dëmtuar rëndë buxhetin e taksapaguesve prishtinas dhe, për më keq, kanë financuar blerjen kriminale të votës në gjithë Kosovën. /Telegrafi/
Promo
Reklamo këtuLufta Prigozhin - Putin
Më shumëPse Mali i Zi votoi kundër Kosovës në KiE, flet Dritan Abazoviq
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia