0Shares

Dy reperët e njohur DJ Blunt dhe Real 1 shumë shpejt pritet të publikojnë projektin e tyre më të ri muzikor.

“Pare si Thaçi, pare si Rama” mban titullin kënga e tyre e re, e cila do të jetë mjaft interesante.

Tematika e këngës konsiston në dëshirën për të pasur para njëlloj si presidenti i Kosovës Hashim Thaçi, apo kryeministri i Shqipërisë Edi Rama.

Të kontaktuar nga Telegrafi, dyshja kanë treguar se kënga e tyre e re është punuar nga vet DJ Blunt dhe Real 1 në studion e kompozitorit Florent Boshnjaku.

Data e publikimit të këtij projekti është 1 prill, dhe kjo nuk është një gënjeshtër!

Këto ditë kanë përfunduar edhe xhirimet e klipit me produksionin Imagine Films, dhe përbrenda tij do të kemi mundësinë të njihemi me dy “kartëmonedha të reja”, 500 euro me figurën e Hashim Thaçi, dhe 2 mijë lekë me figurën e Edi Ramës, sigurisht kjo do të ndodh vetëm në “çudinë” e radhës nga dyshja e suksesshme DJ Blunt dhe Real 1. /Telegrafi/

Të Ngjajshme
Shfaq Komentet (0)