0Shares

Një gjyqtar i procedurës paraprake i EULEX-it caktoi masë paraburgimi për pesë persona të arrestuar, kurse masat iu shqiptuan edhe tre personave të tjerë. Ata duhet të paraqiten në stacionin e policisë, të mos e lëshojnë vendbanimin e tyre. Atyre u janë konfiskuar edhe dokumentet e udhëtimit.

Ky vendim ka ardhur si pjesë e një operacioni të kryer nga Ekipi i Përbashkët Hetuesisë së EULEX-it dhe i Policisë së Kosovës.

“Këto masa janë caktuar pas kërkesës të një prokurori të EULEX-it nga Prokurorinë Speciale të Kosovës (PSRK). Të dyshuarit janë arrestuar në bazë të dyshimit të bazuar që kanë marrë pjesë në kontrabandimin me migrantë dhe kanë qenë të përfshirë në krim të organizuar. Shtatë prej të dyshuarve janë arrestuar në mëngjes në bazë të një urdhri të gjyqtarit të EULEX-it. Personi i tetë është arrestuar më vonë”, thuhet në një komunikatë të lëshuar nga EULEX .

Rastin është duke e hetuar një prokuror i EULEX-it nga PSRK. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)