Partitë politike ende nuk e kanë të qartë se si do të zgjedhet Presidenti i vendit, pavarësisht se Komisioni për Reformën Kushtetuese 6 muaj më parë dorëzoi amendamentet që një gjë e tillë të bëhet me votë të drejtpërdrejtë. Në LDK dhe AKR thonë se e duan Presidentin nga votat e popullit, ndërsa në PDK dhe AAK ende janë të pavendosur.
Partitë kryesore ende nuk e dinë se si do të zgjidhet Presidenti i vendit, pavarësisht se Komisioni për Reformën Kushtetuese tashmë ka kryer ndryshimet e nevojshme, që i pari i shtetit të zgjedhet me votë të drejtpërdrejtë të qytetarëve, shkruan “Express”.
Tash e gjashtë muaj pas përfundimit të mandatit të Komisionit, ka paqartësi nëse partitë politike do të votojnë pro propozimeve të tij.
“Komisioni kushtetues ka punuar vetëm për një opsion, opsionin e zgjedhjes së drejtpërdrejtë të Presidentit dhe në atë drejtim i kemi dorëzuar edhe amendamentet”, ka thënë Arsim Bajrami kryesues i këtij Komisioni, të hënën për “Express”.
“Partitë politike duhet të vendosin se si donë ta kenë Presidentin e ardhshëm të zgjedhur nga populli apo përmes Parlamentit. Për gjithçka vendosin votat e deputetëve”, tha Bajrami.
E, disa parti politike tash po shfaqen të paqarta sa i përket mënyrës së përzgjedhjes së të parit të shtetit.
Nga qëndrimi i tyre i mëhershëm nuk lëvizin LDK-ja e Isa Mustafës dhe AKR-ja e Behgjet Pacollit, që janë edhe pjesë e marrëveshjes me PDK-në e Hashim Thaçit për reformat kushtetuese dhe zgjedhore.
Deputeti i LDK-së, Arben Gashi tha për “Express” se partia e tij e do Presidentin nga votat e popullit.
“Amendamentet që i ka dorëzuar Komisioni thonë se Presidenti zgjidhet drejtpërdrejtë dhe këto ne i kemi përkrah si LDK, ai është qëndrimi zyrtar i LDK-së dhe nuk ka ndryshuar”, tha Gashi.
Deputetja Myzejene Selmani nga AKR, ndërkaq kujtoi se partia e saj kërkon zgjedhje presidenciale që nga 2006’ta.
Në partinë e Hashim Thaçit dhe AAK-në e Ramush Haradinajt thonë se do të marrin vendimin më vonë.“Do të kemi qëndrim si parti, por pas një konsultimi që do ta bëjmë brenda partisë. Do ta bisedojmë njëherë në parti pastaj do të kemi qëndrim”, tha nënkryetari i AAK-së, Ahmet Isufi për “Express”.
Sekretari i Përgjithshëm i PDK-së, Basri Musmurati ndërkaq tha se pjesa dërrmuese e partisë konsiderojnë se zgjedhja e presidentit nga votat e popullit është mënyrë e mirë.
“Po ne nuk kemi marrë vendim definitiv për këtë. E kemi diskutuar si temë dhe mendimi i pjesës dërrmuese është që zgjedhja e drejtpërdrejtë është më mirë, por për këtë ne pritet të marrim vendim dhe posa të jetë koha e duhur”, tha Musmurati.
Partia Albin Kurtit nuk e sheh si opsion të mirë zgjedhjen e Presidentit të shtetit nga votat e qytetarëve. Sipas deputetit, Afrim Kasolli zgjedhja e Presidentit nga votat e qytetarëve nuk përfaqëson demokracinë e drejtpërdrejtë siç thonë partitë tjera.
“Sepse demokracia e drejtpërdrejt nënkupton angazhimin për çështje politike e jo për persona. Prandaj ne funksion te çlirimit te politikes nga personat e të thellimit të saj për çështje fondamentale shoqërorë, Lëvizje Vetëvendosje e përkrah mënyrën e zgjedhjes se presidentit të vendit nga Kuvendi i Kosovës”, ka thënë Kasolli. /Telegrafi/
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Takimi i Kurtit me ndihmësekretarin amerikan, O’Brien, deklarata pas takimit dhe çështja e Asociacionit
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Del rezultati përfundimtar në Gostivar, këto janë rezultatet
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën