Osmani: Isha e informuar se do të përfshihem në listën e LDK-së, numri s’ka rëndësi (Video)

Ish-deputetja e LDK-së, Vjosa Osmani, thotë se ka qenë e bindur dhe e informuar drejt nga Avdullah Hoti dhe zyrtarë të tjerë të partisë, lidhur me përfshirjen e saj në listën për deputete.

“Pa u përpiluar lista, s’kam mujt me folë me siguri të plotë, sepse politika kosovare nganjëherë është e paparashikueshme”, ka thënë Osmani, në emisionin “Rrokum Roll” në TV Rrokum.

Sa i përket numrit të saj në listë, Osmani thotë se, është e parëndësishme kjo gjë.

“Numri 81 s’ka rëndësi, sepse qytetarët janë ata që tregojnë vlerësimin për secilin kandidat”, është shprehur Osmani.

Ajo thotë se nuk brengoset për renditja te tilla, por shpreson që e ka përçuar zërin e qytetarëve gjatë mandatit të kaluar

Ma tej, Osmani thotë se, qytetarët e Kosovës e kanë në dorë të vlerësojnë gjeneratën e re dhe të mesme në LDK.

“Qytetaret munden me tregue se çka saktësisht duan prej LDK-së”, thotë ajo.

Osmani thotë se lista e kandidatëve të LDK-së përmban emra të personaliteteve kuadrave shumë të përgatitura, të cilët mund ta udhëheqin shtetin. /Telegrafi/