Më shumë kontuinitet, më shumë partneritet: Këto nuk janë synime të reja për politikën evropiane të zhvillimit, por Këshilli i BE-së i përcaktoi ato si udhërrëfyese të politikës së zhvillimit në të ardhmen.
Kontinenti afrikan pritet të përfitojë nga këndvështrimi i ri i politikës së zhvillimit të BE-së, që u vulos të premten. Ky është konkluzioni i „Institutit për Studimet e Sigurisë”, që është i angazhuar në disa vende afrikane. Direktivat e reja të BE-së në politikën e zhvillimit, kanë si qëllim që BE në të ardhmen të fokusohet më shumë tek vendet e varfra, shumica e të cilave gjendet në Afrikë, thuhet në një analizë të institutit.
BE nuk e ka fjalën për direktiva për ndihmën e menjëhershme të zhvillimit, por për projekte të qëndrueshme që në plan afatgjatë sjellin vende pune. Vendet e BE-së dhe donatorët më të mëdhenj në botë duan të akordojnë më mirë planet e zhvillimit për vendet e varfra në botë, dhe të koordinojnë ndihmën me partnerët aty. Federica Mogherini, e ngarkuara e BE-së për politikën e Jashtme, është e bindur: „Ne besojmë, se investimet në zhvillim, për sigurimin e paqes dhe pasojave të klimës janë një mjet i rëndësishëm për të forcuar sigurinë dhe forcën tonë. Prandaj BE në të ardhmen do të veprojë gjithmonë në krah të Kombeve të Bashkuara.”
BE përshtati direktivat e politikës së zhvillimit, të përpiluara që në vitin 2005, me kërkesat e Kombeve të Bashkuara. OKB ka vendosur objektivat e politikës së zhvillimit deri në vitin 2030.
„Kjo do të jetë baza e punës sonë për vitet e ardhshme” u shpreh sekretari i Shtetit në Ministrinë e Zhvillimit, Thomas Silberhorn në Bruksel. „Natyrisht kjo duhet të pasojë me veprime konkrete. Për ne ka rëndësi, krahas bashkëpunimit me shtetet e orientuara nga reformat, edhe tregtia e ndershme, tatimi i drejtë, një rend global i drejtë.” Ministrat e Zhvillimit të BE-së duan që të largohen nga frazat boshe, por të zhvillojnë më tej bashkëpunimin në kuadër të marrëveshjes “Compacts with Africa”. Kjo marrëveshje synon që të zbutet vala e emigrimit të të rinjve afrikanë në drejtim të veriut dhe drejt Mesdheut për të ardhur në Evropë. Të rinjve afrikanë duhet t’u ofrohen shanse në vendet e tyre apo në vendet e tranzitit.
Amina Mohammed, Zëvendëssekretare e Përgjithshme e OKB-së dhe përgjegjëse për axhendën 2030 mori pjesë në takimin e BE në Bruksel. Ajo e përshëndeti faktin që BE dhe Kombet e Bashkuara tani duan të punojnë më shumë krah njëra-tjetrës. Por ajo kritikoi SHBA që deri më tani ka qenë një aktor vendimtar në politikën e zhvillimit. Nuk duhet të ndodhë tërheqja nga politika e klimës, kaq kardinale për vendet në zhvillim, kërkoi Amina Mohammed. “Kjo do të thotë, që ne nuk duam të lëmë askënd në baltë, këtë e përfshin edhe Marrëveshja e Parisit, këtu përfshihen edhe inovacionet dhe kërkimi për mjetet financiare për të vënë në jetë këtë marrëveshje.”
Por partneritet në politikën e zhvillimit do të thotë më shumë përgjegjësi për vendet afrikane, thotë Thomas Silberhorn. “Ka një përgjegjësi të madhe të qeverive në këto vende, në të cilat ka kriza urie-shikoni Nigerinë, Sudanin jugor. Këto janë vende të pasura. Duhet të këmbëngulim më shumë që shtetet e prekura të bëjnë më shumë punë preventive”, kërkon Silberhorn. Megjithatë ndihma konkrete financiare për vendet në zhvillim nuk u premtuan nga ministrat e Zhvillimit të BE-së. /DW/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Nagip Krasniqi shkarkohet nga pozita e kryeshefit të KEK-ut
Saktësi, efikasitet dhe rehati - Ultratingulli revolucionar SonoMax 9
Aliu: Po planifikojmë tren të shpejtë në linjën Prishtinë-Fushë Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën