Ndalimi i ish-kryeministrit të Kosovës njëherësh liderit të AAK-së, Ramush Haradinaj muaj më parë nga autoritet franceze për shkak të një urdhër-arresti të lëshuar nga Serbia, bëri që Kosova ta pezullojw dialogun me Serbinë.
Në mars të këtij viti, Kuvendi i Kosovës miratoi një rezolutë me të cilën u kërkua pezullimi i dialogut me Serbinë, deri në lirimin e Rahmush Haradinajt.
Por, javën që lamë pas Gjykata në Colmar të Francës vendosi që ta hedh poshtë kërkesën e Serbisë për ekstradimin e Haradinajt, duke bërë kështu që ish-kryeministri të kthehet sërish në Kosovë.
Lidhur me atë se a do të duhej tash të vazhdojë procesi i dialogut me Serbinë, partitë opozitare shprehen se dialogu duhet të vazhdojë vetëm në qoftë se dialogohet në mënyrë të barabartë.
Deputetja nga radhët e Lëvizjes Vetëvendosje, Donika Kadaj-Bujupi ka thënë për Telegrafin se dialogu mes Kosovës dhe Serbisë është i pabarabartë dhe pa parime.
“Ne do të ishim vetëm për një dialog parimor ku Kosova dhe Serbia janë të barabarta”, u shpreh Kadaj-Bujupi, duke theksuar se edhe po të ishte dialog i barabarte, këta politikanë sipas saj janë të padijshëm, të paaftë dhe të shantazhuar.
“Prej tyre Kosova nuk përfiton dot asgjë në politikë të jashtme”, tha ajo.
E pyetur rreth asaj se a do të duhej që dialogu të riformatohet, Kadaj-Bujupi u shpreh se “Vetëvendosja është opsioni i vetëm për përfaqësim dinjitoz diplomatik të Kosovës, por edhe për forcimin e zhvillimin e brendshëm, dhe për tu bërë faktor sigurie në regjion”.
Në anën tjetër, shefi i Grupit Parlamentar i AAK-së, Pal Lekaj në një prononcim për Telegrafin, theksoi se pastrimi i listave nga Interpoli me emrat e ish-udhëheqësve të UÇK-së, duhet të vazhdojë të jetë si parakusht për rifillim të dialogut.
“Lirimi i ish-Kryeministrit Haradinaj ka ndodhur, por jo pse është plotësuar si kusht nga Serbia, por sepse e drejta ka qenë më të e me Kosovën dhe Shqiptarët”, ka thënë Lekaj.
Sipas tij, dialogu me Serbinë nuk duhet të rifillojë deri atëherë kur Serbia të jetë e gatshme t’i bisedojë temat si dy shtete fqinje, e jo të dialogojë si deri tani me idenë se Serbia po bisedon me një provincë të saj.
“Temat që duhet të diskutohen, duhet të jenë të nivelit bilateral dhe nga ato marrëveshje të ketë beneficion paqja në rajon dhe mundësia për tu integruar të gjitha shtetet barabartë, por nuk bën të vazhdohet siç ka qenë deri tani kur nga dialogu Kosovë-Serbi ka përfituar vetëm Serbia”, tha Lekaj.
Sa i përket çështjes së riformatimit të dialogut, Lekaj shtoi se “dialogu duhet të jetë si dytësor tani kur Kosova ka nevojë imediate që të shkojë në zgjedhje dhe të ndryshojë kualiteti qeverisës dhe rrjedhimisht të vjen një qeveri e cila ia tregon vendin Serbisë, e cila është e të njëjtit mentalitet sa i përket sulmeve kundër Kosovës e mos njohja e saj dhe mos implementimi i marrëveshjeve”.
Lekaj shtoi se paraprakisht duhet të kemi një ndërrim qeverie e pastaj të riformatohet dialogu dhe dialoguesit në të njëjtën kohë.
Telegrafi ka tentuar të marrë edhe një qëndrim nga ana e Qeverisë së Kosovës por edhe nga vetë ministrja për dialog, Edita Tahiri se a do të ketë dhe kur pritet të nis dialogu me Serbinë, por të njëjtit nuk kanë kthyer përgjigje.
Ndërkaq vlen të theksohet se ministri i Jashtëm i Serbisë, Ivica Daçiq ka thënë se Beogradi do që të vazhdohet dialogu me Prishtinën.
Ai ka thënë se ndërprerja e dialogut për shkak të Ramush Haradinajt ka qenë i turpshëm./Telegrafi/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
Këshilli i Etikës rekomandon pezullimin e punës së Xhevat Krasniqit nën dyshimin për ngacmim seksual
Parlamenti Evropian miraton heqjen e vizave për shtetasit e Kosovës që kanë pasaporta të Serbisë
Një shqiptar humb jetën në një aksident trafiku në Itali
BE-së i kërkohet largimi i masave sanksionuese ndaj Kosovës, analistët tregojnë se çfarë ndodhë pas procesit që dështoi në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj