Olta Daku shfaqet ‘e rrezikshme’ si boksiere, por e godet thesi dhe e rrëzon (Video)

Aktorja e hit-serialit komik “O Sa Mirë”, Olta Daku, ka përjetuar një moment interesant dhe qesharak në një palestër boksi.

Momentin e kësaj ngjarje nga përditshmëria apo të përgatitur paraprakisht, ajo e ka postuar në rrjetet sociale.

Derisa aktorja prezanton palestrën në të cilën ndodhet, atë e godet një thes boksi e rrëzon. Në paraqitjen e saj, Olta ka të vendosur në qafë dorëza boksi dhe duket “e rrezikshme”.

A post shared by Olta Daku (@oltadaku) on Feb 25, 2017 at 3:49am PST

Ndryshe, aktorja e teatrit dhe ekranit, Olta Daku, dikur ka studiuar flaut dhe këndim. Ajo ishte një mezosoprano, e cila zgjodhi të merrej me aktrim.

“Shihja dhe mendoja se sa bukur duhet të ishte të shkaktoje emocione tek ata që të shihnin, sa bukur duhet të ishte të bëje tënden vëmendjen e qindra njerëzve që të shohin…”.

“Qoftë kur nisa të merrja mësimet e flautit e qoftë kur nisa kanton në Lice, nuk shihja që ajo do të mund të ishte rruga ime e përhershme. Po, për aq kohë sa isha në të, po e bëja me dëshirë, por nuk arrija ta shihja veten shumë larg me këngën”.

“Në ato momente ‘errësimi’, kur më fluturoi mendja në teatër, e ndjeva që do të mund të shkaktoja emocionet që po përjetoja unë vetë, vetëm përmes fjalës”, kishte rrëfyer Olta më herët për vendimin e saj për të ndërruar profesion.

Paraqitja e saj në serialin “O Sa Mirë” me rolin e ‘Profesoreshës’, bëri që Daku të bëhej mjaft e popullarizuar falë aktrimin të saj dhe skenave plot humor. /Telegrafi/