0Shares

Dokumentacioni që ka poseduar Angelina Jolie për adoptimin e djalit të madh, Maddox, përmban informacione të rrejshme – kështu pohon 51-vjeçari Mounh Sarath, i cili thotë se i ka nënshkruar dokumentet duke u paraqitur si babai biologjik i djalit të aktores.

Sarath ka thënë se kishte nënshkruar sikur ai të ishte babai i Maddox në mënyrë që të përshpejtohej procesi i adoptimit. Ai po ashtu thotë se adresën e ka dhënë në gazeta dhe se Maddox me dokumente është akoma djali i tij.

Mounh Sarath (The Sun)

“Në dokumentet ligjore, Maddox është ende djali im. Angelina, asnjëherë nuk i ka zgjidhur në tërësi problemet rreth adoptimit”, ka deklaruar burri nga Kamboxhia, i cili punon në jetimore dhe merret me punë bamirëse.

Mediat raportojnë se Jolie me gjasë nuk e ka ditur se çfarë po ndodh dhe si ka shkuar procesi i adoptimit, në të cilin e ka angazhuar agjenten Lauryn Galindo.

Angelina e ka adoptuar Maddoxin në vitin 2002 në Kamboxhia, kur ishte e martuar me Billy Bob Thornton. Që atëherë i ka adoptuar edhe dy fëmijë të tjerë, ndërsa ka edhe tre fëmijë biologjikë. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)