0Shares

Zëdhënësi i AAK-së, Muharrem Nitaj, në një prononcim për Gazetën Blic ka thënë se akuzat e Serbisë kundër drejtë Ramush Haradinaj nuk kanë asnjë forcë juridike, dhe se ai do të lirohet përfundimisht.

“Akuzat e Serbisë kundër Ramush Haradinajt, nuk kanë asnjë forcë juridike, dhe ato nuk mund të jenë kurrfarë baze të një kërkese për ekstradimin e tij.” Nitaj ka theksuar se data 27 prill kur do të mbahet seanca e radhës në Francë për kreun e AAK-së, Ramush Haradinaj do të jep rezultate pozitive.

“Natyrisht se ne presim që çështja të mbyllet përfundimisht dhe ai të lihet i lirë në punën dhe në agjendën e tij politike” tha ai. Aktakuzat e Serbisë dhe flet arrestet e saj, ndaj kreut të AAK-së sipas Nitajt janë thjeshtë përpjekje për të destabilizuar Kosovën.

Ramush Haradinaj tashmë e ka dëshmuar që është i pafajshëm tha zëdhënësi i AAK-së. “Ramush Haradinaj i ka spastruar hesapet me drejtësinë. Ai në dy raste është gjykuar, edhe në bazë të pretendimeve të Serbisë, dhe në të dyja rastet është shpallur i pafajshëm. Prandaj kundër tij nuk mund të ketë asnjë rast tjetër. Aktakuzat e Serbisë dhe flet-arrestet e saj, janë përpjekjet e fundit dëshpëruese për të destabilizuar Kosovën, dhe ato edhe në këtë rast do të mbeten si të tilla.”

Ramush Haradinaj është arrestuar me 4 janar të këtij viti nga autoritetet franceze, në bazë të një fletarrestimi ndërkombëtar të lëshuar nga shteti serb.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)