0Shares

Ka nisur sot rrugëtimin e nëntë Festivali Ndërkombëtar i Filmit në Prishtinë, “PriFest”, ku filmi i regjisorit Edon Rioizvanolli, “T’Padashtun”, ka hapur siparin e festivalit.

Si viteve të kaluara, ashtu edhe sivjet PriFest, sjellë risi duke i dhuruar publikut shqipfolës të jetë më afër ekranit botëror dhe jo vetëm.

Në platonë para Teatrit Kombëtar kanë parakaluar yje të kinematografisë, artit, kulturës dhe gjitha sferave jetësore, transmeton Telegrafi.

Këtë vit do të jetë i pranishëm edhe regjisori i njohur Paul Haggis, i cili njihet si skenaristi dhe producenti i filmit “Million Dollar Baby dhe Crash”, ku ka fituar Oscar për kategorinë “Best Picture”.

Gjithashtu do të ketë edhe forume të ndryshme duke mos lënë anash edhe shtatë premierat botërore, katër premierat ndërkombëtare, tre premierat evropiane dhe 22 premiera regjionale.

Në këtë festival do të shfaqen mbi 80 filma ndërsa do të jenë katër juri ndërkombëtare. Edicioni i nëntë i PriFest-it fillon më 13 korrik, ndërsa zgjat deri më 20 korrik. /Telegrafi/

Të Ngjajshme
Shfaq Komentet (0)