0Shares

Shoferi i automjetit i cili goditi këmbësorët në trotuar në sheshin Times të New York-ut, dhe si pasojë e kësaj kishte humbur jetën një person, ndërsa ishin plagosur 22 të tjerë është akuzuar për vrasje, transmeton Anadolu Agency (AA).

Sipas deklaratës të publikuar nga Departamenti i Policisë së New York-ut (NYPD), shoferi 26-vjeçar Richard Jojas, akuzohet për “vrasje të shkallës së dytë, 20 herë tentim për vrasje dhe pesë herë vrasje të rëndë me automjet”.

Sipas burimeve të institucioneve të sigurisë, Rojas i cili u arrestua pas aksidentit, kishte kaluar nga testet e alkoolit dhe drogës dhe në mostrat e gjakut të tij ka pasur gjurmë të lëndës narkotike.

Gazetari i AA-së, i cili ka qenë dëshmitar i ngjarjes së ndodhur në këndin mes Rrugës së 45-të dhe Broadway, kishte njoftuar se automjeti në shpejtësi të madhe së pari është përplasur në barrierën në trotuar, ndërsa më pas automjetin e ka kapluar zjarri, me çka kanë ndërhyrë zjarrfikësit të cilët kishin ardhur në vendin e ngjarjes.

Në këtë ngjarje humbi jetën 18-vjeçarja Alyssa Elsman, e cila në qytet kishte ardhur si turiste nga Michigan-i, ndërsa mbetën të plagosur 22 të tjerë.

Njoftohet se shoferi 26-vjeçar i cili u arrestua, ka qenë i ndjekur penalisht edhe më parë për shkak të përdorimit të automjetit nën ndikimin e alkoolit ose të drogës.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)