LAJMI I FUNDIT:

Nafta mbi 56 dollarë për fuçi

Nafta mbi 56 dollarë për fuçi

Nafta ka filluar javën me çmime të rritura, pavarësisht të dhënave të fundit që flasin për një rritje të rezervave dhe aktivitetit të shpim-kërkimit në shtetet e bashkuara të Amerikës.

Në hapje sesionit të sotëm, nafta Brent e Londrës shitej pranë nivelit të 56.04 dollarëve për fuçi, ndërsa ajo bruto amerikane rreth 54 dollarë për fuçi.

Në SHBA, kompanitë që operojnë në sektor kanë rritur numrin e puseve aktive të naftës për të pestën javë me radhë, çka sinjalizon se lufta e tregut do të vijojë të bëhet edhe më e ashpër.

Përgjatë vitit aktual, prodhimi amerikan i naftës projektohet të rritet me 130 mijë fuçi në ditë, në krahasim me vitin e kaluar. Vendet e OPEC-ut ndërkohë vijojnë të aplikojnë strategjinë e shkurtimit të prodhimit. /Telegrafi/