Kryeministri i Kosovës, Isa Mustafa, mori pjesë në ceremoninë solemne të vitit të 7-të gjyqësor të Gjykatës Kushtetuese të Republikës së Kosovës.
Mustafa, para të pranishmëve të shumtë, përfaqësues të institucioneve shtetërore, ambasadorë, gjyqtarë vendorë dhe ndërkombëtarë, vlerësoi punën e Gjykatës Kushtetuese gjatë këtyre viteve, duke thënë se është bërë një punë tepër e rëndësishme në mbrojtjen dhe forcimin e shtetit të Kosovës, që si rrjedhojë ka ndihmuar në mënyrë të vazhdueshme dhe drejtpërsëdrejti në forcimin e demokracisë dhe rritjen e efikasitetit shtetndërtues të vendit tonë.
” Si kryeministër vlerësoj lartë punën e Gjykatës Kushtetuese të Kosovës gjatë këtyre viteve, sepse ka qenë një punë dhe një rol kapital në zhvillimin dhe demokratizimin e institucioneve tona, në ngritjen e sundimit të ligjit, në konsolidimin e rendit juridik, si dhe në mbrojtjen e lirive dhe të drejtave të njeriut. Mund të konstatohet gjithashtu se Gjykata Kushtetuese ka bërë këto vite një punë tepër të rëndësishme në mbrojtjen dhe forcimin e shtetit të Kosovës, pastaj si rrjedhojë edhe ka ndihmuar në mënyrë të vazhdueshme dhe drejtpërsëdrejti në forcimin e demokracisë dhe rritjen e efikasitetit shtetndërtues të vendit tonë”, tha kryeministri.
Më tej, kryeministri Mustafa ka përshëndetur përpjekjen e vazhdueshme të Gjykatës Kushtetuese të Kosovës e cila, duke qenë autoriteti përfundimtar në interpretimin e Kushtetutës së Kosovës, ka mbrojtur dhe ka afirmuar vlerat juridike dhe parimin demokratik se ‘askush nuk është mbi ligjin’, duke theksuar po ashtu se mbrojtja e këtij parimi është detyrë e të gjithëve dhe respektimi i këtij parimi po ashtu është detyrë e të gjithëve.
“Me punën e saj të vazhdueshme Gjykata Kushtetuese është përpjekur jo vetëm t’i afirmoj parimet bazë të së drejtës kushtetuese, por edhe t’i përdor këto parime për të vlerësuar pajtueshmërinë ose jo pajtueshmërinë e akteve që kanë marrë shqyrtim me dispozitat kushtetuese. Mbrojtja e këtyre parimeve gjithmonë ka qenë e rëndësishme për ne, dhe të gjithë ne i kemi pranuar dhe i kemi zbatuar vendimet e Gjykatës Kushtetuese”, u shpreh Mustafa.
Ai theksoi se këto vendime kanë pasur ndikim edhe në vendimet politike të organeve të pushtetit shtetëror, gjë që e ka bërë Gjykatën Kushtetuese shumë të rëndësishme.
“ Sa më shumë që Gjykata Kushtetuese i ka sqaruar këto vendime, ka kontribuar që ato të jenë në përputhshmëri me dispozitat kushtetuese, dhe ka lehtësuar punën tonë dhe punën e institucioneve të Republikës së Kosovës dhe ka konsoliduar shtetndërtimin e vendit tonë. Në forma të ndryshme kjo Gjykatë ka bërë punë shumë të madhe edhe në sensibilizimin e opinionit publik për domosdoshmërinë e sundimit të ligjit, një detyrë e cila kërkon angazhimin e të gjithë akterëve të shoqërisë tonë. Për këtë, lypset edhe më tutje të kontribuojmë të gjithë ne, edhe institucionet e vendit, edhe institucionet e pavarura, edhe mediat, edhe organizatat joqeveritare, në mënyrë që sundimi i ligjit në vendin tonë të bëhet çështje e të gjithë neve”, tha Mustafa, duke uruar Gjykatën Kushtetuese për punën 7 vjeçare./Telegrafi/
Promo
Reklamo këtuLufta Prigozhin - Putin
Më shumëNga Rubrika
Ambasadori i BE-së në Tiranë: Sulmet ndaj gjyqësorit nuk janë të denja për një vend demokratik
Kurti: Komiteti i Ministrave ta trajtojë aplikimin e Kosovës për anëtarësim në Këshill të Evropës
KQZ me zgjidhje alternative për vendvotimet në katër komunat veriore të Kosovës
Milatoviq kërkon drejtësi për vrasjet e shqiptarëve në Mal të Zi më 1999 – propozon edhe ngritjen e një memoriali
Eurodeputeti holandez: Provokime fëmijërore dhe të rrezikshme nga Serbia – zv.drejtori i policisë të lirohet menjëherë
Moti i keq nxjerr në bregdet grumbuj me mbetje plastike në Durrës, ndotja e mjedisit problem për qytetin turistik
Qeveria e RMV-së vendosi: 24 prilli dhe 8 maji ditë jo pune për të gjithë qytetarët
Sveçla: Dejan Jankoviq është dërguar në paraburgim për 48 orë
“Deri kur?”, Shqiprim Arifi dënohet nga Gjykata e Vranjës me rreth 500 euro për vendosjen e flamurit kombëtar në selinë e partisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin