Mungesa e përkthyesit nga gjuha suedeze ka bërë që seanca fillestare në gjykimin për vrasje dhe plagosje sërish të shtyhet.
Edhe pse gjykata gjatë seancës së sotme kishte angazhuar përkthyes të gjuhës angleze, i akuzuari Hamza Abazaj tha se nuk e kupton këtë gjuhë.
Pesë ditë me parë, seanca fillestare ishte ndërprerë sepse i akuzuari Abazaj u ankua se nuk e kuptonte gjuhën shqipe meqë është rritur në Suedi, prandaj kërkoi përkthyes të gjuhës suedeze ose asaj angleze.
Të enjten ai tha se nuk e kuptonte as anglishten.
Hamza Abazaj akuzohet për një vrasje të kryer në Pejë në shkurt të këtij viti.
Aktakuza ndaj tij dhe Jusuf Abazajt është ngritur këtë muaj.
Sipas Prokurorisë, i pandehuri H.A. akuzohet për vepër penale të vrasjes së rëndë dhe armëmbajtjes pa leje përderisa i pandehuri tjetër I.A. akuzohet për ndihmë në kryerjen e veprës penale të vrasjes së rëndë dhe pjesëmarrja në rrahje.
Gjyqtari Sali Berisha tha se kanë kërkuar përkthyes nga Ambasada Suedeze në Kosovë, mirëpo tha së kanë marrë përgjigje se nuk mund të sigurohet një përkthyes prej tyre.
Ndërkohë një përkthyes i licencuar nga gjuha suedeze i kontraktuar nga gjykata nuk erdhi për shkak se gjendjej jashtë vendit.
Muharrem Hoti, avokat i të akuzuarit tha se klienti i tij e njeh gjuhën angleze por nuk mund t’i kuptojë termet juridike.
“Unë personalisht nuk e njoh anglishten fare, por nuk e di edhe ky sa ka aftësi për ta njoftë atë gjuhë në aspektin që e përdorë gjykata”, tha Hoti.
Prokurorja Sahide Gashi kundërshtoi shtyrjen e gjykimit pasi i akuzuari seancën e kaluar kishte deklaruar se e njeh gjuhën angleze.
“Dihet botërisht që në Suedi dhe gjitha këto shtete krahas gjuhës suedeze mësohet edhe anglishtja. Kështu që unë po shfaqi shqetësim që është vetë përpjekje për prolongim dhe shtyrje të kësaj seance”, tha ajo.
Duke e shtyrë seancën, gjyqtari Berisha vendosi që seanca e ardhshme të mbahet më 26 shtator. Ai tha se gjykata do kujdeset të angazhohet një përkthyes i gjuhës suedeze.
Avokati i të akuzuarit tjetër, Jusuf Abazaj, Gëzim Kollçaku, tha se klienti i tij kundërligjshëm po mbahet në paraburgim. Sipas tij, prokuroria e ka ngritur aktakuzën ndaj klientit të tij pa bërë asnjë hetim dhe duke mos respektuar dispozitat ligjore.
“Keni kujdes që njeri qe një muaj e diçka është duke u mbajtur në mënyrë të kundërligjshme në paraburgim, për shkak se këtij iu ka caktuar paraburgimi për vrasje në tentativë ndërsa prokurorja ka hekë dorë. Nëse duhet për vepër tjerë penale është dashtë të bëhen hetime”, tha Kollçaku. /KALLXO.com/
Lufta Prigozhin - Putin
Më shumëKurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Trajnimi i ushtarëve ukrainas, ambasadori Kapiti: Krenarë me përkushtimin e FSK-së
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi