0Shares

Suspendimi i Sami Khediras do të thotë se Claudio Marchisio pritet të luajë krahas Miralem Pjanicit në ndeshjen e Ligës së Kampionëve kundër Monacos.

Pas kartonit të verdhë në ndeshjen kundër Barcelonës, mesfushori gjerman nuk mund t’i ndihmojë Juventusit në përballjen e parë gjysmëfinale të garës evropiane.

Në këtë mënyrë, vendin e tij do ta zë Marchisio, i cili edhe pse ka qenë lojtar kyç i Bianconerëve në vitet e fundit, lëndimi e ka penguar që ta rikthejë formën e tij këtë sezon.

Parashikim: Monaco – Juventus Parashikim: Monaco – Juventus

Prania e tij në fushë, e ka detyruar Massimiliano Allegrin që t’i stërvitë lojtarët e tij me posedim të topit, meqenëse Khedira është lojtar më fizik, kurse italiani ka më shumë lëvizje.

Sipas njoftimeve nga Vinovo, Marchisio është përshtatur për mrekulli në taktikat e stërvitjes dhe pasimet e tij pritet të jenë të sakta.

Veç kësaj, Il Principino është aktiv edhe në angazhimet e tij për ta rimarrë topin e humbur. Ajo që do t’i mungojë Zonjës së Vjetër është angazhimi fizik dhe vrapimi i madh që bën Khedira në fushë (rreth 2.000 metra për ndeshje më shumë se Marchisio).

Po ashtu, Marchisio është më pak i rrezikshëm në sulm, pasi nuk tenton individualisht, por pason për bashkëlojtarët. Derisa Khedira është gjithmonë i rrezikshëm dhe provon për të shënuar.

Në këtë mënyrë, Pjanic pritet të shkojë më përpara, po ashtu edhe Paulo Dybala do t’i qëndrojë më afër portës kundërshtare. /Telegrafi/

Të Ngjajshme
Shfaq Komentet (0)