LAJMI I FUNDIT:

Molliqaj tregon se pse dha dorëheqje nga posti sekretarit organizativ

Molliqaj tregon se pse dha dorëheqje nga posti sekretarit organizativ
-->

Ish-sekretari organizativ i Lëvizjes Vetëvendosje, Dardan Molliqaj, ka thënë se votat që mori për t’u zgjedhur deputet, bënë që ai të japë dorëheqje nga posti i sekretarit organizativ i kësaj partie.

Molliqaj ka theksuar se fitorja e kësaj lëvizje ka ardhur për shkak të votuesve të rinj.

Ai ka thënë në emisionin “Rubikon” të KTV-së, se vota për ta nuk ishte votë opozitare.

“Nuk besoj që kemi korrur shumë votë opozitare, qysh po mendojnë ata. Votat kryesore janë te ata që kanë votuar për herë të parë. Llogaritet që rreth 50 mijë të rinj kanë marrë pjesë për herë të parë në votime, dhe një pjesë e madhe prej tyre e ka votuar Vetëvendosjen”, ka theksuar Molliqaj.

Sipas tij, ata nuk e kanë fituar asnjë vota nga votuesit e AAK dhe Nismas, por se ata u rritën si parti nga ish – votuesit e PDK-së dhe LDK-së./Telegrafi/