0Shares

Ministria e Kulturës, Rinisë dhe Sportit, ka nënshkruar të enjten memorandume të bashkëpunimit edhe me pesë federata tjera të sportit, duke përkrahur financiarisht këto federata për realizimin e planeve për vitin 2017, ku vlera e përgjithshme e përkrahjes arrin shumën e 298 mijë eurove.

Me 80 mijë euro për këtë vit do të mbështetet Federata e Sportit Shkollor të Kosovës, Federata e Tenisit do të përkrahet me 65 mijë euro, Federata e Ping-Pongut me 53 mijë euro Federata e Peshëngritjes me 63 mijë, ndërkaq Federata e Gjimnastikës me 37 mijë euro.

Duke nënshkruar memorandumet, MKRS-ja i ndihmon federatat për pavarësimin financiar të tyre në mënyrë që ato të sigurojnë ngritje cilësore.

Ministri Shala tha se MKRS-ja duke përkrahur federatat financiarisht, po punon për të ndihmuar sportin e Kosovës.

Ndërkaq, drejtuesit e federatave përkatëse vlerësuan se kjo formë e bashkëpunimit mes MKRS-së dhe federatave të tyre u mundëson menaxhim më të mirë të mjeteve financiare.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)