Organizata për Hulumtime Strategjike dhe Sociale, (STRAS), kërkon nga Kuvendi i Kosovës, që të miratojnë një ligj të ri për Kontrollin e Duhanit, i cili të jetë i zbatueshëm duke garantuar në Kosovë një mjedis të pastër dhe pa duhan. Projekt-ligji që ndodhet aktualisht në Kuvend duhet ta ruajë synimin parësor për mbrojtjen e shëndetit të njeriut dhe të ambientit.
“Nga hulumtimet në terren dhe duke marrë parasysh përvojat e vendeve fqinje dhe ato të Bashkimit Europian, ne kemi krijuar një qasje të re për dallim nga grupet e interesit. STRAS insiston për një vend pa tym, të pastër, por jo për një ligj i cili mund të shkaktojë më shumë probleme sesa zgjidhje”, tha Ibrahim Rexhepi, drejtor i STRAS.
Sipas tij, projektligji më shumë shkon drejt ndalimit total të duhanit dhe jo drejt kontrollimit . “ Ekziston një ligj , por ai nuk po zbatohet për shumë arsye. Duhet të jemi të kujdesshëm që mos të ngutemi me miratimin e ligjeve të reja, të cilat nuk do të zbatoheshin”, tha më tutje Rexhepi.
Zëdhënësi i Ministrisë së Shëndetësisë, Faik Hoti, theksoi se projektligji ka dalë nga dyert e kësaj ministrie dhe tani është në dorën e Kuvendit të Kosovës. Ai duhet të vendosë se cilin variant do ta miratojë.
“Një grup deputetësh kanë qenë dhe në Austri dhe janë njohur me praktikat e këtij vendi. Mund të marrin ligjin austriak. Por, për institucionet shëndetësore është detyrim kushtetues mbrojtja e shëndetit të popullatës. Jemi koshient që ky projektligj ka ngjallur debate. Ka deputetë që e mbështesin por ka edhe një numër që nuk e mbështesin. Jemi duke provuar që të arrijmë një modalitet”, tha Hoti.
Ai ka treguar se variant i projektligjit ngjan me atë që zbatohet në Australi, Zelandë të Re, Kanada, Norvegji dhe Islandë. “Është masë vizionare dhe zbatimi i tij në praktikë mbetet të shihet. Ne do të respektojmë çdo ligj që miratohet në Kuvend”, tha Hoti.
Kryetari i Odës Ekonomike të Kosovës, Safet Gërxhaliu, e ka kritikuar, siç e quajti ai, këtë eksperiment. “Ligji duhet të ketë shtrirje horizontale. Po të miratohet sot një ligj i tillë, ku të mund të zbatohet? A e meritojmë ne që ligjet e Kosovës të gjinden vazhdimisht në Gjykatën Kushtetuese ?“, tha Gërxhaliu.
“Apelojmë në Qeverinë e Kosovës që të mos sjellë ligje të cilat nuk mund të zbatohen . Kujt i shkon në favor kjo?”, tha Safet Gërxhaliu, duke shtuar se nuk do të ishte asnjë dobësi të rikthehet ligji, bazuar në një ekspertizë shkencore.
Ilirana Zymeri, drejtoreshë e Inspeksioneve të AVUK tha se janë të parët që kanë kërkuar amendamentimin e ligjit, për shkak se ai është i pazbatueshëm. “Janë pesë inspektorate që janë të ngarkuara edhe me ligjin ekzistues, por as ai nuk po zbatohet. Ne jemi të parët që kemi kërkuar të amadamentohet projektligji. Ky propozim është praktikisht i pa zbatueshëm. Nëse është i tillë, atëherë asgjë nuk kemi arritur”, tha Zymeri.
Nga ky debat doli konstatimi se Kosova duhet të ketë një ligj të zbatueshëm, e jo vetëm sa për dëshirën e një grupi të interesit, pastaj që në ambiente publike të krijohen “dhomat e duhanit”, por të ndara fizikisht nga pjesët e tjera, që pjesërisht të ndalohet ekspozimi i cigareve dhe i duhanit, si edhe të ndalohet rresptësisht shitja e cigareve për personat nën 18 vjet. /Telegrafi/
Lufta Prigozhin - Putin
Më shumëNga Rubrika
30 vjet në shërbim të edukimit dhe të kulturës: Shtëpia botuese “Dukagjini” ju uron Ditën Botërore të Librit
Si i përdorin aplikacionet për konsum gjeneratat e reja në Kosovë?
Nesër mbahet shitja e 65-të aseteve e Agjencisë Kosovare të Privatizimit
Fillo udhëtimin e ri në botën e librave - Shkarko aplikacionin DukagjiniBooks
Si i përdorin aplikacionet për konsum gjeneratat e reja në Kosovë?
Fitoni dhurata ekskluzive nga Samsung në foleja.com
Agjencia e Ushqimit del me sqarime lidhur me cilësinë e mishit në Kosovë
B&M ofron Trajnim dhe certifikim për Operuesit e Vinçave, Auto Vinçave, Pirunierëve, Ashensorëve të ndërtimit
Veç thuj ej, EI Taxi është knej
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj