0Shares

Me 8 pikë larg zonës së Ligës së Kampionëve, 7 skuadra përpara në renditjen e serisë A dhe pesë ndeshje nga kjo javë deri në Krishtlindje, që të gjitha vendimtare.

Ngjitja e Interit në klasifikim për të shkuar në objektivin parasezonal duket një mision thuajse i pamundur pavarësisht besimit të trajnerit Stefano Pioli, që mori në duar çelësat e ekipit me besimin se do t’ia dalë.

Derbi konfirmoi që Inter është një skuadër e aftë të arrijë minimalisht vendin e tretë, dhe pikërisht për këtë, 450 minutat e ardhshme do ti japin drejtuesve përgjigje më të qarta e ndoshta përfundimtare për të ardhmen.

Zikaltërit do të rinisin vrullin atu ku e lanë, nga entuziazmi i barazimit në “San Siro”. Në po të njëjtin stadium këtë radhë do të vijë Fiorentina, dhe kalendari do të pasojë me transfertën e sikletshme ndaj Napolit në “San Paolo”, transmeton tch.

Legjenda e Interit: Icardi nuk është lideri ynë Legjenda e Interit: Icardi nuk është lideri ynë

Ekipi i Piolit ka një problem të madh ekuilibri me distancim mes 3 reparteve dhe gabimet individuale nuk ndihmojnë në lidhjen e skuadrës.

Pas dy përballjeve të para, Inter do të luajë sërish në shtëpi ndaj Genoas, më pas ndaj Sassuolos e në mbyllje me Lazion në “San Siro”, aty ku saktësisht një vit më parë Pioli dhe Candreva me fanelën e kaltër, nisën krisjet e para të epokës Mancini.

Të Ngjajshme
Shfaq Komentet (0)