0Shares

Trajneri i Brazilit, Mano Menezes, ka shprehur publikisht admirimin e tij për Barcelonën, për mënyrën se si klubi katalanas ndryshoi futbollin në vitet e fundit.

Menezes është i impresionuar nga zbulimet taktike të katalanasve, duke përmendur aftësinë e tyre për të dominuar ndeshjen pa marrë parasysh formacionit si shembull për ekipet tjera.

“Nëse shikoni Barcelonën, gjatë viteve të fundit ata kanë luajtur në çdo mënyrë të mundshme, duke përdorur secilin formacion që ekziston. Ata bënë gjëra që të bënin të thuash në vetvete: ‘Ata nuk mund ta bëjnë këtë, taktikisht është e pamundur”.

“Dhe, përkundër kësaj, ekipi arriti nivele të larta të supremacisë. Kjo ka qenë e mundur vetëm me atë skuadër, me ata lojtarë. Në futboll, ekipet fituese gjithmonë lënë shenjë dhe kanë ndikim për një periudhë të caktuar. Ata do të lëvdohen si shembuj për t’u ndjekur dhe që nga ai moment, ata mund të ndryshojnë sjelljen e të tjerëve”, ka deklaruar Menezes për FIFA.com. /Telegrafi/

Të Ngjajshme
Shfaq Komentet (0)