Mediat në Maqedoni, përfshi ato shqiptare, donatorë të mëdhenj të partive politike (Video)

Prokuroria Speciale Publike (PSP) është duke hetuar disa media në Maqedoni të cilat kanë dhënë shuma të majme për partitë politike gjatë fushatave zgjedhore të mëhershme, përcjell Telegrafi Maqedoni.

Sipas hulumtimit të përgatitur nga Nova Tv, janë duke u hetuar media që kanë lidhje me OBRM-PDUKM-në, LSDM-në dhe BDI-në, ndërkaq bëhet fjalë për 4.5 milionë euro. Më shumë donatorë ka patur OBRM-PDUKM-ja.

Nga të dhënat del se OBRM-PDUKM-ja ka marrë 3.648.000 euro donacione në vitin 2011 dhe 642.000 mijë euro në vitin 2013, kurse në vitin 2014 ka marrë 145.000 mijë euro. Donatorë më të mëdhej një këto zgjedhje kanë qenë Tv Sitel, Kanal 5 dhe Media Print Maqedonia.

Për LSDM-në në vitin 2011, Tv A1 ka dhuruar 90 mijë euro. Në vitin 2013, LSDM-ja ka marrë vetëm 690 euro nga firma Trendolend. Në zgjedhjet parlamentare të vitit 2014, LSDM-ja ka marrë 26.700 euro nga 24Vesti, Telma, Slloboden Peçat dhe disa media jo shumë të njohura.

Ndërkaq, BDi në vitin 2014 ka marrë 14.000 euro donacione nga Tv Uskana dhe Tv Koha.

Gjorge Ivanov në fushatën e tij zgjedhore në vitin 2014 ka marrë 48 mijë euro nga 38 media të ndryshme përfshirë media shqipare si Tv Koha, Tv Era dhe Tv Uskana. Kundërkandidati i tij, Stevo Pendarovski ka marrë 90 mijë euro donacione nga pesë media të ndryshme. Iljaz Halimi ka marrë 3200 euro donacion nga Tv Koha./Telegrafi/