0Shares

Xhudistja kosovare Majlinda Kelmendi i ka dhënë ultimatum Qeverisë së Kosovës, përkatësisht Ministrisë së Kulturës, Rinisë dhe Sporteve që nëse brenda 7 apo 10 ditësh nuk i plotësohen kërkesat të cilat parashihen edhe me ligj për shpërblimet e sukseseve në arenën ndërkombëtare, atëherë ajo do të nënshkruajë për ndonjë shtet tjetër.

Majlinda Kelmendi dhe trajneri saj Driton Kukaj, kanë thënë për KTV-në se janë tri shtete që kanë shprehur interesim jashtëzakonisht të madh për të.

Kelmendi tha se do të presë për pak ditë përgjigjen nga qeveritarët, sepse siç duket, durimit të saj i ka ardhur fundi.

Të shtunën, Majlinda Kelmendi e ka korrë një sukses të madh në turneun Grand Prix të Dusseldorfit, ku fitoi Medaljen e Artë në një konkurrencë të fortë, ku morën pjesë elita e xhudos botërore, përfshirë kampionen e botës, japonezen Nishida, dhe atë të Evropës, rumunen Chittu. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)