0Shares

Rafael Nadal ka triumfuar ndaj Dominic Thiem (7-6, 6-4) në finalen e Madrid Open për ta fituar titullin e pestë të karrierës në këtë turne dhe është ngritur në katër vendet e para të renditjes së tenistëve.

Në këtë mënyrë, spanjolli regjistroi tre tituj radhazi, pas triumfeve edhe në Barcelona Open dhe Monte Carlo Masters, derisa rekordi i tij në terrene me dhe për këtë vit është ngritur në 15-0.

Të hënën, 30-vjeçari do të konfirmohet si numri katër i tenisit botëror duke e zhvendosur më poshtë fituesin e 18 titujve Grand Slam, Roger Federer.

Me këtë triumf, ai e ka barazuar rekordin me Novak Djokovic (të cilin e eliminoi në gjysmëfinale) me 30 tituj ‘ATP World Tour Masters 1000’.

Nadal nënshtron Djokovicin për t’u kualifikuar në finale të Madrid Open (Video) Nadal nënshtron Djokovicin për t’u kualifikuar në finale të Madrid Open (Video)

Tash i mbetet të përgatitet për French Open që fillon më 22 maj, ndërsa Nadal e ka fituar atë turne nëntë herë gjatë karrierës. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)