Liverpooli tregon madhështinë, i gjithë Anfieldi këndon YNWA me 1 minut heshtje për Chapecoensen (Video)

Liverpooli ka treguar edhe një herë pse është një prej klubeve më të respektuara në botë.

Klubi më i trofeshëm anglez me historinë më të ndritur në sportin më të dashur, është solidarizuar me klubin brazilian Chapecoense, që pa pothuajse të gjithë lojtarët dhe stafin drejtues të shuar pas një tragjedie ajrore.

77 persona vdiqën në tragjedinë ajrore pesë kilometra larg aeroportiti të Medellinit ku do të duhej të arrinte aeroplani i klubit Chapecoense, një ‘jet charter’ me të cilin udhëtonte edhe kombëtarja argjentinase.

Lexo po ashtu Të gjitha lajmet rreth tragjedisë së Chapecoenses

Për humbjen e madhe për futbollin brazilian nuk ka mundur të mos solidarizohet as një prej klubeve më të mëdha në botë, Liverpooli.

Të gjithë tifozët kënduan një zëri himinin “You Will Never Walk Alone” në nderim të lojtarëve të Chapecoenses të cilët vdiqën tragjikisht, teksa më pas pasoi një minut heshtje në nderim të të rënëve që preku gjithë botën e futbollit.

54 mijë tifozë, të gjithë të heshtur për Chapecoensen. Ky është Liverpooli.

Liverpooli pritet që të ofrojë po ashtu edhe përkrahje financiare për klubin e prekur nga tragjedia që humbi gjithë ekipin e parë dhe do të duhet kohë për t’u rimëkëmbur nga kjo tragjedi. /Telegrafi/

CHAPECOENSE, YOU WILL NEVER WALK ALONE. Emotivo momento en Anfield antes del Liverpool-Leeds
?
[ @LFC ]pic.twitter.com/BNFlzGveja

— Juez Central (@Juezcentral) November 29, 2016