0Shares

Lirak Çelaj nga sot më nuk është zëvendësministër i Drejtësisë në Qeverinë e Kosovës. Kështu ka bërë të ditur vetë Çelaj, në një prononcim për Telegrafin.

Ai tha se këtë vendim e ka marrë në koordinim me kryetarin e Partisë Demokratike të Kosovës, Kadri Veselin.

Çelaj tha se angazhimet e tij për zgjedhjet lokale janë shtuar më shumë, pasi është bërë edhe anëtar i kryesisë qendrore të PDK-së.

“Në konsultë me kryetarin e PDK-së, Kadri Veseli, jam marrë vesh që të angazhohem më shumë rreth degës pasi është vit elektoral. Kam pasur nevojë dhe dëshirë që të përkushtohem dhe kam kërkuar vet të lirohem nga obligimet tjera. Gjithashtu jam zgjedh edhe anëtar i kryesisë në nivelin qendror kështu që më janë shtuar obligimet”, tha Çelaj.

I pyetur se a është kandidat potencial për kryetar komune në Prishtinë ai tha: “Jam një prej tyre dhe mund të jetë një prej arsyeve”.

Ndryshe, ende nuk dihet se kush mund të jetë zëvendësministër i Drejtësisë, në vend të Çelajt. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)