Përçarjet, pakënaqësitë dhe ndryshimet e brendshme, si duket vazhdojnë të jenë aktuale tek koalicioni PDK-AAK-Nisma, derisa flitet për mos kordinim brenda tyre.
Pas anulimit të debatit me kandidatët për kryeministër të Kosovës, analistët e çështjeve politike kanë vlerësuar se një gjë e tillë nuk ka ndodhur për shkak të vendimit të Komisionit të pavarur, por për shkak të përçarjeve brenda PDK-AAK-NISMA.
Por, një gjë të tillë e mohuan partnerët e koalicionit, duke thënë se PDK-AAK-NISMA, nuk po përçahet por janë më të bashkuar për fitore.
Përkundër kësaj analistët vlerësojnë se ky koalicion është një koalicion, ku të gjithë e përdorin njëri-tjetrin.
Duke folur në lidhje me këtë, analisti Fadil Lepaja, ka treguar edhe mënyrën se si po e shfrytëzojnë njëri-tjetrin Kadri Veseli dhe Ramush Haradinaj.
“Në këtë rast, Ramushi e përdorë makinerinë votuese të PDK-së, ndërsa Kadri Veseli, e përdorë Ramush Haradinajn për ta unifikuar elektoratin besnik nga radhët e veteranëve, familjeve të tyre dhë përgjithësisht vijës së luftës që vetvetiu është një përqindje serioze. Pritja e tyre është se do të rikthejnë edhe një pjesë të elektoratit të zhgënjyer me marrëdhëniet e këqija në të kaluarën dhe të cilët patën votuar për partitë tjera, sidomos për Vetëvendosjen”, është shprehur Lepaja për gazetën “Bota sot”.
Sipas analistit Lepaja, debati i anuluar, duhet të ketë arsye në ndjenjën e inferioritetit intelektual të kandidatit të koalicionit PDK-AAK-NISMA, Haradinaj.
Por, ai ka shtuar se shkak mund të jetë edhe frika e Haradinajt se ballafaqimi me Albin Kurtin, mund t’i sjell poena negativ te elektorati i vet.
“Vështirë mund të kontestohet patriotizmi i tij, dhe efikasiteti kur edhe Kurti pretendon të njëjtat shkathtësi, plus që nuk e përcjellin kurrfarë aferash, atë dhe partinë e tij. Në anën tjetër, një ballafaqim me z. Hoti, do të mund të sillte në këtë fazë , deri te fjalët e forta, të cilat mund të paragjykonin edhe koalicionet paszgjedhore, të cilat mund të jenë të domosdoshme, dhe përkundër mosmarrëveshjeve aktuale. Përkundër euforisë fillestare me koalicionin, partnerët po tregohen të kujdeshëm mos me marrë mbi vete krejt bagazhin e aferave korruptive dhe të përfoljeve për krimin, të qeverive të mëparshme të PDK-së, prandaj edhe emri “Fillim i ri” e shpreh më së miri këtë tendencë”, ka thënë tutje Lepaja.
Ndërkohë, zyrtarë nga Alenaca për Ardhmërinë e Kosovës kanë bërë të ditur se Komisioni i Pavarur i Mediave e ka anuluar debatin më mes të kandidatëve për kryeministër dhe se koalicioni në mes PDK-së, AAK-së dhe Nisma-s nuk e ka asnjë problem.
“Jo s’kanë asnjë problem. Debatin e ka anuluar Komisioni i Pavarur i Mediave, e jo koalicioni apo Haradinaj”, ka thënë anëtari i Kryesisë së AAK-së Muharrem Nitaj.
Kurse Enver Hoti nga Nisma për Kosovën, ka thënë se koalicioni PDK-AAK-Nisma, ka thënë se Haradinaj e ka dhënë përgjigjjen për ketë temë dhe nuk ka se çka t’i shtohet atij qëndrimi.
“Sa i përket pyetjes për problemet brenda koalicionit, nuk është aspak e vërtetë. Nisma në çdo marrëveshje që ka hyrë më dikë, qoftë me Aleancën, qoftë në 2014, nuk ka hyrë me dilema dhe asnjëherë nuk është ndonjë situatë që mund të krijojë përçarje, sepse ne i kemi gjërat e qarta dhe këtu s’ka asnjë paqartësi”, ka thënë Hoti, duke aluaduar në atë se PDK është ajo, e cila i është bashkangjitur AAK-së dhe Nisma-s e jo anasjelltas, pasi sipas tij, “Ramush Haradinaj i pranon të gjitha vetëm për ta parë veten kryeministër të Republikës së Kosovës”.
“Në koalicionin mes AAK-së dhe Nisma-s është bashkangjitur PDK-ja dhe jemi duke shkuar drejt fitores. Mund të them se nuk ka asnjë përqarje,nuk ka asnjë dilemë. Partitë opozitare dhe analistët, të cilët janë rreshtuar në anën e opozitës tashmë edhe mund të japin deklarata të tilla”, ka përfunduar Enver Hoti nga Nisma.
Në lidhje me këtë ka qenë e pa mundur të merret një qëndrim nga PDK-ja pasi asnjë nga zyrtarët e kësaj partie nuk kanë dashur t’i komentojnë zërat për probleme mes koalicionit, duke i quajtur ato theshetheme të disa analistave.
Ndryshe, ballafaqimi i parë i kandidatëve për kryeministër , ishte paraparë që të mbahet me 26 maj. Ky debat u anulua për shkakt të një njoftimi të Komisionit të pavarur për Media, në të cilën ky ballafaqim cilësohej i jashtëligjshëm në kuadër të fushatës zgjedhore. /Bota sot/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Osmani organizoi pritje për përfaqësues të vendeve partnere të Kosovës pas takimit të Këshillit të Sigurimit të OKB-së
Momenti kur Osmani i thotë Vuçiqit "Shihi në sy dhe kërkoju falje katër viktimave të krimeve serbe"
Momenti kur vetura “fluturon” në Veternik dhe përplaset në një pompë derivatesh
Kryesuesja në KS të OKB-së përplaset ashpër me Vuçiqin për minutat e fjalimit
Dështimi i procesit të votimit në veri, BE-ja nuk jep afat kur do të hiqen masat ndaj Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj