LDM: Maqedonia nuk është e kërcënuar nga askush

Lidhja Demokratike e Maqedonisë (LDM) përmes një komunikate të lëshuar për media thekson se Maqedonia nuk është e rrezikuar nga askush dhe as nga kantonizimi dhe federalizimi. Sipas tyre, janë mediat dhe portalet e ndryshme që shpërndajnë informacione se Maqedonia do të ndahet, njofton Telegrafi Maqedoni.

“Gjithnjë e më shumë po shpërndahen informacione përmes rrjeteve sociale dhe disa mediave proqeveritare, se Maqedonia është e rrezikuar, se do të federalizohet, kantonizohet, se ekzistojnë bisedime për ndarje të shtetit, si dhe thirrje që të ngrihet për mbrojtje të shtetit, përmes metodave të Qoses”, theksojnë në nga LDM.

Ata gjithashtu në këtë kumtesë shkruajnë se: – Maqedonia është stabile dhe nuk ka kushte për destabilizim
– Karaktari unitar i Maqedonisë nuk është i rrezikuar
– Nuk ka bisedimet të jashtme për ndarje të Maqedonisë
– Maqedonisë i duhet qeveri e re reformuese. Dhe në fund bëjnë thirrje që gjithë liderët e partive politike të sillen me mençuri dhe interesat shtetërore t’i vendosin para atyre personale./Telegrafi/