0Shares

Kapiteni aktual i bavarezëve, Philipp Lahm, në qershor do të varë këpucët në gozhdë dhe pasuesi i tij do të jetë pikërisht Manuel Neuer, i transferuar nga Schalke 04 me shumë bujë në vitin 2011.

Që atëherë, gardiani i portës ka fituar pesë herë kampionatin, tri herë Kupën e Gjermanisë dhe një herë Ligën e Kampionëve (2013).

Ai gjithmonë ka qenë protagonist në fushë dhe madje një nga arsyet kryesore pse Bayern ka pasur kaq shumë suksese.

Javën e kaluar, trajneri Carlo Ancelotti tha se skuadra dhe klubi do të vendosin për kapitenin, jo ai.

Tani ata e kanë bërë, por ende nuk dihet data e njoftimit zyrtar. Së fundmi, Lahm i parapriu këtij lajmi duke thënë se Neuer dhe Thomas Muller janë dy kandidaturat më serioze për pasuesin e tij.

Hera e fundit kur Bayern ka pasur një portier për kapiten ka qenë në vitin 2008, me “titanin” Oliver Kahn si lider të padiskutueshëm të skuadrës.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)