0Shares

Zëvendëskryeministri dhe ministri i Drejtësisë, Hajredin Kuçi, sot ka pritur në takim Ambasadorin e Suedisë për Kosovë, Shqipëri dhe Maqedoni me seli në Shkup, Lars Wahlund, i cili ka njoftuar për përfundimin e mandatit të tij si Ambasadorë në këto vende.

Në këtë takim është biseduar për implementimin e marrëveshjes se arritur në mes të Republikës së Kosovës dhe asaj të Serbisë, me ç’rast Ambasadori Wahlund shprehi bindjen e tij në implementimin e kësaj marrëveshje.

Zëvendëskryeministri Kuçi falënderoi ambasadorin për mbështetjen dhe ndihmën që ka dhënë në shumë procese të rëndësishme për Kosovën.

Bashkëbiseduesit vlerësuan se Kosova dhe Suedia kanë marrëdhënie shumë të mira, ndërsa u tha se këto marrëdhënie dhe bashkëpunimi i mirë në mes të këtyre dy vendeve do të vazhdojë edhe në të ardhmen. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)