0Shares

Kryetari i Kuvendit të Kosovës, Jakup Krasniqi, priti sot në takim përfaqësuesit e Këshillit organizativ për kundërshtimin e Vendimit të Dhomës së Veçantë të Gjykatës Supreme të Kosovës, që ka të bëjë me dhënien e pronave shoqërore Manastirit të Deçanit.

Kryesuesi i këtij Këshilli, Adem Lushaj, shpalosi gjenezën e këtij problemi, duke prezantuar shqetësimet që, sipas tij, ky vendim ka ngjallur të qytetarët e këtij lokaliteti.

Ai foli për pengesat që shkaktohen në lirinë e qarkullimit, veprimtarinë hoteliere të zonës, si dhe turizmin në përgjithësi.

Kryeparlamentari Krasniqi, pasi dëgjoi të gjitha shqetësimet e ngritura, theksoi se për zgjidhjen e problematikave të kësaj natyre, duhet ndjekur procedurat përkatëse ligjore, ka njoftuar Zyra për media dhe marrëdhënie me publikun e Kuvendit të Kosovës. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)