Me hyrjen në fuçi të tarifave të reja të energjisë eklektike nga 1 prilli i këtij viti, ka filluar edhe balancimi i tregut të energjisë elektrike nga ana e Operatorit të Transmisionit dhe Tregut (KOSTT).
Zyrtarët e KOSTT-it kanë thënë se pjesëtarët e tregut, janë pjesë e mekanizmit balancues dhe janë përgjegjës për jobalancet nëse i shkaktojnë.
Zëdhënësja e KOSTT-it, Zana Bajrami-Rama ka thënë se mekanizmi balancues implementohet nga Operatori i Sistemit (KOSTT) kurse rregullat dhe funksionimi komercial, duke përfshirë kalkulimin e jo balanceve, i këtij mekanizmi është përgjegjësi e Operatorit të Tregut (KOSTT).
“Të gjithë pjesëtarët e tregut, me skedulime të regjistruara të Operatorit i Tregut (KOSTT), janë pjesë e mekanizmit balancues dhe janë përgjegjës për jobalancet që i shkaktojnë. Devijimi nga pozita e tyre e nominuar i bën ata përgjegjës për pagesën e çmimit të jobalancit i cili duhet të jetë në proporcion me kostot e balancimit”, tha ajo.
Nga ana tjetër, palët tregtare, sipas Bajrami– Rama, do të mund të dorëzojnë te KOSTT-i ofertat e tyre për ngritje respektivisht zbritje në përputhje me të cilat ata pranojnë të ndryshojnë nominimet e tyre fizike, nëse kërkohet nga Operatori i Sistemit.
“Me fillimin e implementimit të mekanizmit balancues pagesa mujore mes palëve bëhet në bazë të vlerave të nominuara dhe të aprovuara nga KOSTT”, ka thënë ajo duke treguar se kanë zhvilluar “Metodologjinë për Llogaritjen e Çmimit të Jobalancit dhe Çmimit të Kompensimit”.
Zëdhënësja e KOSTT-it ka treguar gjithashtu se nga fundi i vitit të kaluar ka filluar faza testuese e mekanizmit.
“Operatori i Tregut (KOSTT) nga data 1 tetor 2016 ka filluar fazën testuese të mekanizmit balancues pa implikim financiar, sipas rekomandimeve të ZRRE-së”, ka thënë Bajrami – Rama.
Sipas saj, KOSTT është licencuar nga ZRRE për Operimin e Sistemit të Transmisionit, si dhe për Operimin e Tregut të Energjisë.
“Sipas Licencës për Operimin e Tregut të Energjisë – Operatori i Tregut (KOSTT) ushtron aktivitetin lidhur me menaxhimin e tregut të energjisë elektrike por përjashton blerjen apo shitjen e energjisë elektrike, në pajtueshmëri me Rregullat e Tregut. Prandaj, KOSTT nuk merret dhe nuk është e licencuar për import dhe eksport të energjisë elektrike”, ka bërë të ditur zëdhënësja e KOSTT-it, Zana Bajrami -Rama.
Ndërkaq, zëdhënësja e Zyrës së Rregullatorit për Energji (ZRRE), Adelina Murtezaj ka thënë se funksionet e secilit të licencuar janë të theksuara në Ligjin për Energjinë elektrike.
“Në bazë të ligjeve, rregullave dhe licencave, KOST është përgjegjës për operimin me Sistemin e Transimisionit dhe Tregun, KEK është prodhues i energjisë, KEDS është përgjegjës për distribuimin e Energjisë ndërsa KESCO është përgjegjës për furnizim, import dhe eksport të energjisë varësisht nga kërkesa për konsum vendor”, ka thënë ajo.
Murtezaj ka theksuar se edhe KEK-u mund ta vendos energjinë e saj në treg.
“Furnizuesit dhe tregtarët janë të licencuar për furnizim, import dhe eksport të energjisë po ashtu KEK, bazuar në ligjet në fuqi ka të drejtë të vendos energjinë e tij në treg të lirë”, thekson zëdhënësja e ZRRE-së.
Ndryshe tarifat e reja kanë hyrë në fuqi nga data 1 prill i këtij viti, ku Bordi i ZRRE-së ka miratuar tarifat e ditës dhe natës. Tarifat e ditës, një kilovat kushton 7 centë, e tarifat e natës, 3 centë për kilovatë. /Telegrafi/
Promo
Reklamo këtuLufta Prigozhin - Putin
Më shumëMurati: 300 milionë euro është vlera e marrëveshjeve ndërkombëtare që po presin ratifikimin në Kuvend
Nga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Në mesin e 25 shteteve konkurruese "Zgatar Electronics" fiton çmimin si “Kompania me rritje më të madhe”
Shijo detin e krejt stinëve në “Holiday In 2”
Saktësi, efikasitet dhe rehati - Ultratingulli revolucionar SonoMax 9
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën