LAJMI I FUNDIT:

“Kosovo, If Trump Wins”: Ueb-faqja që promovon shtetin e Kosovës, duke e shfrytëzuar emrin e Presidentit Donald Trump (Foto)

“Kosovo, If Trump Wins”: Ueb-faqja që promovon shtetin e Kosovës, duke e shfrytëzuar emrin e Presidentit Donald Trump (Foto)

Zgjedhjet presidenciale në SHBA, ishte tema më e përfolur në botë ditëve të fundit. Ajo u përcoll me interes të madh jo vetëm nga amerikanët, por edhe nga e gjithë bota.

Përballja interesante mes Hillary Clinton nga radhët e demokratëve dhe atij republikan Donald Trump, nxiti debate në të gjitha rrafshet e shoqërisë, transmeton Telegrafi.

Në njërën anë kishim ish sekretaren e shtetit njëherit edhe gruaja e ish presidentit Bill Clinton dhe potencialisht presidentja e parë femër në vend, dhe në anën tjetër miliarderi kontravers Donald Trump, i cili njihet për gjuhë të vrazhdë dhe shpesh i cilësuar si ksenofob e racist.

Edhe në Kosovë kjo ngjarje u raportua nëpër mediat e shkruara dhe u përcoll nga televizionet me programe të dedikuara. Mirëpo, disa të rinjë këtë trend e shfrytëzuan pak më ndryshe.

Qasja kontroverse e kandidatit Trump, i bëri që shumë njerëz me ndikim në SHBA të deklarojnë se do të largoheshin nga vendi në qoftë se ai do të zgjidhej president.

1

Duke e parë këtë, ekipi i ‘Creotive’ i përbërë nga Argjend Haxhiu, Flamur Krasniqi, Fitim Krasniqi dhe Kushtrim Krasniqi, vendosën ta ndërtojnë një ueb-faqe informuese rreth Kosovës, duke e përmbushur nevojën për një të tillë me të gjitha informatat e nevojshme rreth historisë, turizmit, kulturës etj.

Ajo çfarë e bën të veçantë këtë ueb-faqe, është emri që këta të rinjë e kanë zgjedhur. Kosovo if Trump Wins – ksiftrumpwins.com duke i ftuar të gjithë ata që duan të ikin nga SHBA-të që ta zgjedhin Kosovën për të vizituar, punuar apo edhe jetuar.

Qasja sarkastike ndaj kësaj ngjarje ua tërhoqi vëmendjen shumë amerikanëve. Mirëpo ajo që e shtoi kuriozitetin dhe interesimin për këtë faqe, është kur Trump doli fitues i zgjedhjeve.

Ditën kur u shpall fitues, faqja arriti kulmin e vizitorëve. Fitorja e Trump ngjalli kureshtjen e mediave vendore dhe ato ndërkombëtare për këtë faqe, ku BBC në kuadër të programit të tyre The World në faqen pri.org, e nxorën intervistën me krijuesit e faqes.

Cilat do të jenë vendimet e Presidentit të ri të SHBA-ve në politikat e jashtme? A do të kenë ndikim pozitiv apo negativ këto vendime për vendin tonë? A do ta ndryshoj qasjen e Donald Trump ndaj emigrantëve dhe refugjatëve?

Për këto nuk mund të themi asgjë konkrete, mirëpo e sigurt është se populli amerikan përveç që e kanë një mik të madh në Ballkan, këtu do ta gjejnë edhe derën e hapur. /Telegrafi/

Në trend Teknologji

Më shumë
Kamera më e shpejtë në botë mund të regjistrojë 156.3 trilionë korniza në sekondë

Kamera më e shpejtë në botë mund të regjistrojë 156.3 trilionë korniza në sekondë

Teknologji
Google prezanton funksionin e ri që ju ndihmon me blerjet online

Google prezanton funksionin e ri që ju ndihmon me blerjet online

Teknologji
Kur funksionet e Galaxy AI do të jenë të disponueshme në telefonat më të vjetër të Samsungut

Kur funksionet e Galaxy AI do të jenë të disponueshme në telefonat më të vjetër të Samsungut

Teknologji
Miliarda përdorues të WhatsApp do të fitojnë përditësime me Inteligjencë Artificiale

Miliarda përdorues të WhatsApp do të fitojnë përditësime me Inteligjencë Artificiale

Teknologji
Samsung ka lëshuar përditësimin e sigurisë të radhës për serinë Galaxy S24, i cili vjen me përmirësimet edhe të kamerës

Samsung ka lëshuar përditësimin e sigurisë të radhës për serinë Galaxy S24, i cili vjen me përmirësimet edhe të kamerës

Teknologji
Safari është shfletuesi i dytë më i përdorur në botë në desktop

Safari është shfletuesi i dytë më i përdorur në botë në desktop

Teknologji
Kalo në kategori