LAJMI I FUNDIT:

Kosovën e “mbyt” importi

Kosovën e “mbyt” importi
LONG BEACH, CA - NOVEMBER 29: Shipping container trucks sit in traffic as the International Longshore and Warehouse Union strikes, putting a halt to most of the work at the busiest seaport complex in the nation on November 29, 2012 in Long Beach, California. The strike is the largest work stoppage at the ports of Los Angeles and Long Beach since a lockout by shipping companies in 2002 when President George W. Bush intervened with a court injunction to resolve the labor standoff. (Photo by David McNew/Getty Images)

Agjencia e Statistikave të Kosovës (ASK), publikon të dhënat lidhur me rrjedhat e eksportit dhe importit për muajin janar 2017.

Të dhënat nga Tregtia e Jashtme në Kosovë tregojnë për një deficit tregtar më të lartë për 13.7 për qind në muajin janar 2017, në raport me periudhën e njëjtë të vitit 2016, gjegjësisht në vlerë prej 125,4 milionë euro, krahasuar me deficitin prej 110,3 milionë euro në vitin 2016.

“Eksporti mbulon importin me 14.6 për qind. Eksporti i mallrave në muajin janar 2017 kishte vlerën 21,4 milionë euro, ndërsa importi 146,8 milionë euro, ku është një rënie prej (-3.7 për qind) për eksport dhe një rritje prej 10.8 për qind për import, krahasuar me periudhën e njëjtë të vitit 2016”, njofton ASK-ja.

Sipas të dhënave të grupeve kryesore të eksportit: 45.1 për qind të eksporteve e përbëjnë metalet bazë dhe artikujt prej tyre; 15.4 për qind e përbëjnë produktet minerale; 8.2 për qind e përbëjnë plastika, goma dhe artikuj prej tyre; 8.0 për qind e përbëjnë ushqimet e përgatitura, pijet dhe duhani; 5.8 për qind e përbëjnë produktet bimore; 3.7 për qind e përbën lëkura dhe artikuj prej saj; 3.1 për qind e përbëjnë makineritë, pajisjet mekanike dhe elektrike etj.
“Ndërsa, sipas të dhënave të grupeve kryesore për import: 17.5 për qind të importit e përbëjnë produktet minerale; 12.9 për qind e përbëjnë ushqimet e përgatitura, pijet dhe duhani; 12.1 për qind e përbëjnë makineritë, pajisjet mekanike dhe elektrike; 10.2 për qind e përbëjnë mjetet e transportit; 7.9 për qind e përbëjnë produktet e industrisë kimike; 6.1 për qind e përbëjnë metalet bazë dhe artikujt prej tyre; 5.5 për qind e përbëjnë plastika, goma dhe artikujt prej tyre etj”, thotë raporti i ASK-së shkruan Telegrafi.

Eksportet e Kosovës në vendet e BE-së arritën në 5,4 milionë euro, ose rreth 25.6 për qind e eksporteve të përgjithshme, me një rritje prej 0.4 për qind. Partnerët kryesorë për eksportin e mallrave në BE janë: Gjermania (6.4 për qind), Holanda (4.0 për qind), Britania e Madhe (4.0 për qind) dhe Austria (2.4 për qind).
Kurse, importet e Kosovës nga vendet e BE-së ishin rreth 63,8 milionë euro, ose 43.4 për qind e importeve të përgjithshme, me një rritje prej 11.3 për qind. Importet me pjesëmarrje më të lartë ishin nga: Gjermania (12.0 për qind), Greqia (4.8 për qind), Italia (4.3 për qind), Republika Çeke (2.9 për qind) etj.
“Ndërkaq, eksportet e Kosovës me vendet e CEFTA-s, në muajin janar 2017, arritën në 6,9 milionë euro, ose 32.6 për qind të eksporteve të përgjithshme, me një rritje prej 28.0 për qind”.

Ndërsa, partnerë kryesorë për eksport nga vendet e CEFTA-s janë: Shqipëria (11.9 për qind), Serbia (9.2 për qind), Maqedonia (7.4 për qind) dhe Mali i Zi (3.2 për qind).

Ndërsa, importet nga vendet e CEFTA-s, në muajin janar 2017, arritën në 37,1 milionë euro, ose 25.3 për qind e importeve të përgjithshme, me një rritje prej 19.1 për qind. Kurse, vendet me pjesëmarrje më të lartë për import ishin: Serbia (14.2 për qind), Maqedonia (4.5 për qind), Shqipëria (4.2 për qind) dhe B&H (2.3 për qind).

Eksportet e Kosovës me vendet e tjera arritën në 8,9 milionë euro, ose 41.8 për qind. Kurse, si partnerë më të rëndësishëm nga këto vende për eksport ishin: India (14.0 për qind) dhe Kina (10.2 për qind).

Ndërkaq, importet e Kosovës me vendet e tjera arritën në 45,9 milionë euro, ose 31.3 për qind.

Kurse, vendet me pjesëmarrje më të lartë për import ishin: Kina (11.1 për qind) dhe Turqia (9.2 për qind). /Telegrafi/