LAJMI I FUNDIT:

“Kosova nuk rrezikohet nga sulmet terroriste”

“Kosova nuk rrezikohet nga sulmet terroriste”

Vdekja e Lavdrim Muhaxherit në Siri është paralajmëruar që Ballkanin do ta “prekin” sulmet e mundshme terroriste, përfshirë edhe Kosovën.

Por se sa është Kosova e prekur nga këto sulme, Shqipe Mjekiqi, këshilltare e lartë politike e ministrit në detyrë të Punëve të Brendshme, Skender Hyseni ka thënë për Ekonomia Online se Kosova asnjëherë nuk ka qenë e rrezikuar nga këto sulme.

Megjithëse, edhe pse Kosova nuk është e rrezikuar si vendet e tjera, ajo thotë i kanë marrë masat me organizmat përkatës.

“Mënyra se si po punohet në këtë institucion është sikur nuk ka ndryshuar asgjë, sepse edhe pse jemi në pritje të krijimit të një qeverie të re pas zgjedhjeve të 11 qershorit, të gjitha detyrat dhe obligimet që ne i kemi duhet t’i kryejmë deri në momentin që kemi një ndërrim të qeverisë. Sa i përket terrorizmit dhe ekstremizmit të dhunshëm, ne jemi duke vazhduar me masa e përpjekje të njëjta që i kemi bërë deri më tash. Ne nuk kemi informacione që brenda Kosovës mund të ketë sulme të tilla. Edhe pse ne nuk jemi të rrezikuar si vendet e tjera, por kemi marrë masat me organizmat përkatës”, ka thënë ajo.

Mjekiqi ka potencuar që më e rëndësishmja e MPB-së është të punohet në parandalimin e rekrutimit të personave të cilët marrin rrugën për në Siri.

“Për neve kjo është më e rëndësishmja që të bëjmë parandalimin e rekrutimit të pjesëtarëve të cilët shkojnë në Siri. Pra, të mos vijmë në situatë të tilla që të rinjtë tanë të mos e lëshojnë prapë vendin që të jenë pjesë e luftërave në Siri”, ka shtuar ajo.

Gjersa fliste për parandalimin e rekrutimit dhe punën e Policisë që ka bërë në luftën kundër terrorizimit dhe ekstremizmit të dhunshëm, ajo ka shprehur besimin se ndryshimet e qeverive nuk prekin Policinë e Kosovës.

“Ndryshimet te Policia e Kosovës nuk do të ketë. Ju e dini që Drejtoria Kundër Terrorizmit në kuadër të Policisë do të mbetet aty, ndryshimi i vetëm do të ndodhë në kabinetet e ministrave dhe që do të ndryshojnë ministrat, kurse gjitha të tjerat do mbesin ashtu siç kanë nisur. Në këto procese nuk janë të lidhur vetëm stafi politik, por edhe stafi civil, dhe ky staf janë ura lidhëse mes neve dhe atë që vijnë pas”, ka thënë ajo.

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori