0Shares

Në emisonin “Përballje”në RTV Dukagjini sonte është zhvilluar debat i ashpër për strategjinë energjetike të Kosovës dhe për ndërtimin e termocentralit “Kosova e Re”.

Ministri i Zhvillimit Ekonomik Blerand Stavileci,  në emisionin “Përballje” bashkëprodhim i RTV Dukagjini dhe Telegrafi.com, ka thënë se projekti i termocentralit “Kosova e Re” është në fazën finale.

“Sot jemi në fazën e nënshkrimit të marrëveshjeve komerciale dhe brenda ditësh do ta publikojmë datën”, ka deklaruar Stavileci.

Sipas tij, dobitë më këtë projekt janë të jashtëzakonshme për Kosovën edhe për vende pune.

“Janë dy faza. Gjatë fazës së ndërtimit deri në 10 mijë njerëz dhe pas hyrjes në funksion rreth 550 vende, kështu që mendohet që janë staf permanent”, ka thënë Stavileci.

Ai ka treguar edhe se kur Termocentrali “Kosova e Re” do të jetë gati.

“Nënshkrimi i marrëveshjeve, përfundimi i pakos, përmbyllja  financiare këtë vit, fillimi i ndërtimit vitin e ardhshëm,  komisionimi në vitin 2022”, ka pohuar Stavileci.

Ndërsa deputeti i LDK-së Blerim Grainca, anëtar i Komisionit për Zhvillim Ekonomik ka thënë se “Kosova e Re” ka kaluar nëpër të gjitha procedurat e nevojshme deri më tani.

“Tani jemi në fazën finale të nënshkrimit të marrëveshjes. Kosova e Re është një pjesë e kësaj strategjie”, ka deklaruar Grainca.

Emisioni “Përballje” është bashkëprodhim i gazetarit Muhamet Hajrullahu me Telegrafi.com për Radiotelevizionin Dukagjini dhe transmetohet çdo të hënë në ora 20:20, kurse repriza të shtunën në ora 10:00. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)